Бәшәр тарихи боју залымлар ҝеҹәни, мәзлумлар ҝүндүзү ағыр кечириб. Јухусу әршә чәкилмиш залымлар азҹа ҝөзүнү јумуб ојананда чомағыны ҝөрүб ҹана ҝәлиб, башыны јастыға гојан кими дәрин јухуја ҝедән мәзлумлар јериндән галханда аһ чәкиб, “дүнјаја гајыдышына” тәәссүф едиб.
Бәшәр тарихиндә танрылыг иддиасында олан фиронлардан чох јазылыб. Онларын нәслиндән олан мүасиримиз Гәддафинин назәнин вүҹудунун ајаглар алтда тапданмасы ојатмады јердә галанлары. Гәддафинин тәпикләнмәсинә, зарымасына кино кими бахдылар. Өзләрини онун јеринә гоја билмәдиләр. Әҝәр буну баҹарсајдылар төвбә гылыб әдаләт јолуну тутар, Аллаһын әманәти олан халга зүлмдән әл чәкәрдиләр. Әл чәкмәдиләр – нә Вашингтонда, нә Лондонда, нә Бакыда. Бакыда хејир иши, халга хидмәти јаддан чыхаран башчылары јалныз бир шеј нараһат едир: мәбада кимсә онларын гулларына саһиб дура! Аллаһын гулу олдугларыны унутдулар, Аллаһын гулларына аллаһлыгдан горхмадылар.
Бакыда сунами тәһлүкәси вар. Һакимијјәт мүхалифәти гәрбә, исламчылары шәргә бағлајыб шәрләди, түрмәләрә долдурду. Он илләр боју гынаг һәдәфи олан зијалылара нөвбә чатды. Зијалылар Форуму һакимијјәти әдаләтә чағырды. Режим халгын мүтәфәккир, јарадыҹы инсанларыны да шәрләмәкдән чәкинмәди. Азәрбајҹанда истибдада сон гојулаҹағына үмидини итирәнләрин ҝөзүнә ишыг ҝәлди. Халг да, мүхалифәт дә, исламчы да аз-чох сәсини чыхармыш, һөкумәтин дәјәнәјини јемишди, галмышды зијалы. Нәһајәт, бу нур партлајышы баш верди. Артыг бу режими јалтаг нөкәрләрдән башга истәјән галмады.
Ҹәбһә боју ҝәрҝинлик артыр. Дини һаглар саһәсиндә вәзијјәт даһа ҝәрҝиндир. Режим һесаб едир ки, ону ашырмаға гадир ән шанслы гүввә исламчылардыр. Он ҝөрә дә доғулан ушагларын сағ гулағына “гуллар ачыг һавада”, сол гулағына “азадлар һәбсханада” дејирләр.
Ән фәал диндарлары шәрләјиб һәбсханаја долдурандан сонра нөвбә мүсәлман халга чатды. Халгын динини дәјишмәјә гәрар верилди. Милли Мәҹлис ганун топларыны ислам үзәринә чевирди. Әксәријјәти шиә мүсәлманлар һүзнлү мәһәррәм – имам Һүсејнә (ә) әзадарлыг мәрасимләринә ҝүнләрлә галмыш һәдәфә алынды.
Әввәла, Милли Мәҹлисин анти-ислами фәалијјәтләри барәдә. Јени ганун лајиһәсинә әсасән Азәрбајҹандан кәнарда дини тәһсил алмыш шәхсләрин ајин вә мәрасимләрин иҹрасына ҝөрә 200 манатдан 400 манатадәк (һүгуги шәхсләрин исә 4000 манатадәк) ҹәримә олунаҹағы ҝөзләнилир. Мәһдудијјәтин јалныз ислам дининә аид олмасы, дини тәһсил алмыш вәтәндашларын фәалијјәтинин әсассыз олараг мәһдудлашдырмасы ислама хәјанәтдән башга бир шеј дејил. Әхлагсызлыг, гумар ојунларына ҝөрә ҹәримәләри динин тәблиғинә ҝөрә ҹәримәләрлә тутушдурдугда ајдын олур ки, һакимијјәтдә оланлар Дин әтрафына топлананларла Өз әтрафларына топлананлар арасында ҹидди фәрг гојурлар. Азәрбајҹандан кәнарда дини тәһсил алмыш шәхсин исламы тәблиғ етмәси әхлагсызлыг, гумарбазлыгдан пис сајылыб! Бу мүгајисәләр ДЕВАММ-ын бәјанатында даһа ҝенишдир.
Кечәк Ашура горхусуна. Ҝәнҹә диндарларынын вердији мәлумата ҝөрә, Ҝәнҹә шәһәриндә ҝениш Гәдир-Хум бајрамы кечирилиб. Тәдбирдә руһаниләр, зијалылар вә ҝәнҹләр иштирак едибләр. Тәдбирин сонунда еһсан верилән заман полисләр бинаны мүһасирәјә алараг мәҹлисин сона чатмасына манечилик төрәдибләр. 30 диндары полис бөлмәсинә апарыблар. Полис бөлмәсиндә диндарлардан изаһат алыблар вә тапшырыблар ки, гаршыдан ҝәлән мәһәррәмлик мәрасимләриндә сизи орда ҝөрмәјәк. Тәдбирдә иштирак едән ики нәфәрә 5 сутка һәбс ҹәзасы верилиб. Онларын үз вә башы гырхылыб.
* * *
21 нојабр Мүбаһилә ҝүнүдүр. Һиҹри 10-ҹу ил һәзрәт Пејғәмбәрлә (с) мүбаһисә етмәк үчүн, Нәҹран мәсиһиләри өз бөјүкләриндән вә алимләриндән ибарәт бир һејәти Мәдинәјә ҝөндәрир. Бу һејәт Һәзрәтлә (с) мүбаһисә едир вә тутарлы дәлилләрлә, ашкар һөҹҹәтләрлә үзләшмәләринә рәғмән, јенә дә, исламын һагг дин олдуғуну, Пејғәмбәр (с) пејғәмбәрлијини гәбул етмирдиләр. Нәһајәт, ајә назил олур Пејғәмбәрә (с): “(исанын һаггында) Сәнә ҝөндәрилән елмдән сонра, (јенә дә) сәнинлә мүбаһисә едәнләр олса, онлара де ки: "ҝәлин биз дә оғланларымызы, сиз дә оғланларынызы, биз дә гадынларымызы, сиз дә гадынларынызы, биз дә өзүмүзү, сиз дә өзүнүзү чағыраг! Сонра мүбаһилә (гарғыш) едиб јаланчылара Аллаһын ләнәт етмәсини истәјәк!”. (Али-имран сурәси, 61)
Пејғәмбәр (с) бу тәклифи мәсиһиләрә вердикдә, онлар мөһләт истәдиләр. Сонра бу гәрара ҝәлдиләр ки, әҝәр, Пејғәмбәр бир орду илә ҝәлсә, демәли, дедикләри әсассыз вә һәгигәтә ујғун дејил! Јох әҝәр, аз сајда инсанла ҝәлсә, о Һәзрәтлә (с) мүбаһиләдән чәкинсинләр. Тәјин олунмуш вахт - 24 зилһиҹҹә ҝүнү мүбаһилә мәһәллинә Һәзрәт Пејғәмбәр (с) ики ушаг, бир ҝәнҹ вә бир гадынла ҝәлир. Һәр ики мәзһәб алимләри билдирирләр ки, ајәдәки “оғланларымыз” кәлмәсиндә мәгсәд Һәсән (ә) вә Һүсејн (ә), “гадынларымыз” кәлмәсиндә мәгсәд Ханым Фатимеји-Зәһра (с.ә), Пејғәмбәрин (с) өзү кими тәгдим едилән шәхс исә – Һәзрәт Әлидир (ә). Бунлар һәмин инсанлардыр ки, “Тәтһир” ајәси онларын һаггында ениб вә Пејғәмбәр (с) бу инсанлары өз әбасы алтына алараг “Аллаһым, бунлар мәним Әһли-Бејтимдир” бујурмушдур. Нәҹран мәсиһиләри Әһли-Бејтин (ә) әзәмәтини, мәгамыны етираф едир. илк өнҹә Пејғәмбәрин (с) мүбарәк кәламына диггәт едәк: “Мән дуа едим, сиз “амин” дејин.” инди исә, нәҹранлыларын башчысынын етирафына бахаг; “Еј мәсиһиләр! Мән елә нурлу чөһрәләр ҝөрүрәм ки, әҝәр, онлар Аллаһдан бир дағын мәһв олмасыны истәсәләр, Аллаһ буну едәр. Әҝәр, онларла мүбаһилә етсәниз һәлак оларсыныз вә јер үзүндә бирҹә нәфәр белә мәсиһи галмаз!”.
Пејғәмбәрин (с) дуасы вә Әһли-бејтин (ә) “амин” демәси вә нәтиҹәдә нәҹранлыларын мәһви гачылмаз иди. Амма сонда мәсиһиләр мүбаһилә етмәкдән имтина едир вә мәғлуб олурлар…
Азәрбајҹан һакимијјәт даирәләриндә исә Нәҹран мәсиһәләри гәдәр Аллаһ горхусу јохдур. Онлар горхуну јалныз Гәддафи синдромунда һисс едир.
Гаршыдан һүзүнлү мәһәррәм, имам Һүсејнә (ә) әзадарлыг ҝүнләри ҝәлир. Суал јараныр: нә үчүн һакимијјәт мәһәррәм әзадарлығындан, Ашура фаҹиәсинин илдөнүмү мәрасиминдән горхур? Ахы нә баш верә биләр бу мәрасимләрдә? Ејни суалы иҹтимаи Палата, Зијалылар Форуму да верә биләр: инсанларын бир араја ҝәлмәси, азадлыг шүарлары сәсләндирмәси, ҹәмијјәтин дурумуну мүзакирә етмәси нијә горхудур һакимијјәти? Халгы ҝүдмәјә сәрф едилән вахт вә енержи Гарабағын азадлығына сәрф олунурму?
Әзадарлыг ҝүнләринә он ҝүн галды. Фәал исламчылар һәбсдәдир. Амма онлар халг арасындан чыхыб. Бу халг сон нәфәрәдәк фәаллашанда нә олаҹаг? Гыраҹаглармы халгы?
Буилки мәрасимләрдә ҝәрҝинлик јашанаҹаг. Амма әсил милли бирлик гаршыдадыр. Үмуммилли етираз Зијалылар Форумунун јаранышы илә тәсдигләнди. Галды бу зијалыларын мүхалифәт вә исламчыларла әл-әлә тутуб президент игамәтҝаһыны әһатәјә алмасы. Узагда дејил о ҝүн - әҝәр сән сојдаш узагда дајанмасан! Онда “бизә јол верин, Бакыдан чыхаг” дејиб јалваранлара бир сөз галыр демәјә: Ҝүлә-ҝүлә!
Бабәк Тәбризли
