Әһли Бејт -АБНА- хәбәр аҝентлијинин вердији хәбәрә әсасән: Бејнәлхалг мәсәләләр үзрә експерт Сәидуллаһ Зареи, сионист режиминин мүдафиә назири Еһуд Баракын Исраилин Ирана һүҹумунун јахын олмасы барәдәки бәјанатына ишарә едәрәк деди: "Әҝәр бир-ики ҝүн ҝөзләсәз, ҹәнаб Баракын өз сәһвини баша дүшмәсини вә сөзләрини ҝери ҝөтүрәҹәјини ҝөрәҹәксиниз".
Зареи, Иранын дөрд ади ракети илә 1 милјон исраиллинин көчкүнә чевириләҹәјини ачыглајараг деди: "Сионист режиминин чәтин шәраитдә зәрбә ҝөрмәси Ирандан чохдур. Чүнки әҝәр Исраил Ирана һәтта јүз ракет атса белә Иранда бир аилә дә көчкүн олмајаҹаг".
Експерт артырды: "Мәҹбури сурәтдә вадар олундуғумуз мүһарибәдә (Иран-Ираг мүһарибәси) Иранын 10 әјаләти мүһарибә ичиндә иди. Амма биз өлкәдән хариҹә гачан ҝөрмәдик. Һәтта, башдан-баша мүһарибә ичиндә олан Хузистан әјаләтининдә дә бу проблемлә үзләшмәдик вә һеч бир хузистанлы өлкәни тәрк етмәди, хузистанлылар асанлыгла өлкәнин һәр тәрәфиндә јерләшә билдиләр. Амма әҝәр Иран ишғал олунмуш әразиләрә 4 ракет атса, 1 милјон исраилли ишғал олунмуш әразиләри вә Фәләстин торпагларыны тәрк едәҹәк. Кечмиш 50 илдә Иран мүһарибә заманы мүһаҹирәт проблеми илә үзләшмәјән тәнһа өлкә олмушдур".
Сәидуллаһ Зареи Иранын балистик ракетләринин Исраили дармадағын едә биләҹәји ҝүҹүндә олмасыны билдирәрәк деди: "Иран ракетләринин Исраилә атылмасы дөвләт бүдҹәсинә һеч бир хәрҹ ҝәтирмәјәҹәк. Чүнки Иран дүнјанын 35 өлкәсинә ракет сатыр. Бу ракетләрин сатышынын газанҹындан тәтбиги ракетләрә хәрҹләнир вә чох аз хәрҹлә Тәл-Әвиви вә ишғал олунмуш әразиләри јеринә отуртмаг олар".
Експерт сионист даирәләринин "биринҹи Исраил ракетинә Иран 15 мин ракетлә ҹаваб верәҹәк" кими ачыгламаларына да мүнасибәт билдирәрәк деди: "Иран ракетләрини ҝүҹү кобуд тәһдидләрә ҹаваб вермәк үчүн дејил, чүнки сионистләр өзләри дә билирләр ки, Иран һәр бир һүҹума гәтијјәтли вә әзиҹи ҹаваб верәҹәк".
Диггәт: Хәбәрдән истифадә етдикдә мәнбәјә истинад лазымдыр
