Әһли Бејт -АБНА- хәбәр аҝентлијинин вердији хәбәрә әсасән: Бу барәдә мәтбуата ачыглама верән вәкил билдириб ки, она мүраҹиәти Тале Бағыровун јахынлары едиб. Бирлик.аз сајты олараг һәм јени вәкилин фикирләрини, һәм дә Тале Бағыровун вәзијјәти илә бағлы мәлуматлары охуҹулара чатдырмаг мәгсәди илә вәкил Анар Гасымовдан мүсаһибә алмаг гәрарына ҝәлдик.
Гејд едәк ки, Руһани алим Һаҹл Тале Бағыров Азәрбајҹан Республикасынын Ҹинајәт Мәҹәлләсинин 233-ҹү маддәси илә (Иҹтимаи гајданын позулмасына сәбәб олан һәрәкәтләри тәшкил етмә вә ја бу ҹүр һәрәкәтләрдә фәал иштирак етмә), (3 илә гәдәр һәбс) ШӘРЛӘНӘРӘК иттиһам олунур. Сонра Ҹинајәт Мәҹәлләсинин 221.2-ҹи маддәси илә јени иттиһам әлавә олунуб (5 илә гәдәр һәбс). Һәбс едилдикдән сонра Һаҹы Тале барәсиндә әввәлҹә 15 сутка, даһа сонра исә 2 ајлыг һәбс гәтимкан тәдбири сечилиб вә Күрдәханы тәҹридханасына ҝөндәрилиб.
Вәкил Тале Бағыровла ҝөрүшдүјүнү вә сәһһәтинин нормал вә сахланма шәраитинин јахшы олмасыны билдирди. "Һаҹы Тале Бағырова гаршы сүрүлән иттиһамлары неҹә гијмәтләндирирсиниз?" суалына ҹаваб верән вәкил билдирди ки, мәһкәмә дөнәминдә ишә гошулдуғундан бүтүн һүгуги дәлилләрини мәһкәмә заманы билдирәҹәк. "Мән мәһкәмә дөнәминдә ишә гошулдуғумдан бүтүн дәлилләрими мәһкәмә залында билдирәҹәм. Амма ону дејә биләрәм ки, Һаҹы Тале Бағырова гаршы сүрүлән иттиһамлар әсассыздыр. Һаҹы Тале Бағыров бир дәфә һәмин митингә ҝөрә инзибати мәсулијјәтә ҹәлб олунуб, сонра исә ҹинајәт мәсулијјәтинә ҹәлб олунубдур."
Диггәт: Хәбәрдән истифадә етдикдә мәнбәјә истинад лазымдыр
