Әһли Бејт -АБНА- хәбәр аҝентлијинин вердији хәбәрә әсасән: Просесдә тәгсирләндирилән шәхсләрә һөкм охунуб. Һөкмә әсасән, Мајыс Абдуллајев, Рәшад Вәлигулијев, Тәрлан Исмајылов 1 ил 6 ај мүддәтинә азадлыгдан мәһрум едилиб. Диҝәр тәгсирләндирилән Ширхан Оруҹов барәсиндә исә 2 ил сынаг мүддәти илә 3 ил 6 ај шәрти ҹәза тәјин олунуб. О, мәһкәмә залындан азадлыға бурахылыб.
Гејд едәк ки, һәмин аксија илә бағлы сахланылан диҝәр 5 нәфәрә артыг һөкм охунуб. Онлардан икиси – Рөвшән Мәммәдов вә Әлван Һүсејновун барәсиндә 3 ил мүддәтинә шәрти ҹәза тәјин олунуб, Араз Исмајылов 2 ил 6 ај, Рүфәт Нуријев вә Нурани Мәммәдов исә 2 ил мүддәтинә азадлыгдан мәһрум едилиб.
Хатырладаг ки, бу ил мајын 6-да Тәһсил Назирлијинин бинасы гаршысында разылашдырылмамыш аксија кечирмәјә ҹәһд едән 65 нәфәр сахланылыб.
Онлардан 5-и Ҹинајәт Мәҹәлләсинин 221.2-ҹи вә 221.3-ҹү (хулиганлыг) маддәләри илә ҹинајәт мәсулијјәтинә ҹәлб едилиб. Сахланылан шәхсләрдән 38 нәфәри хәбәрдарлыг едилдикдән сонра сәрбәст бурахылыб, 22 нәфәр барәсиндә исә топланмыш материаллар аидијјәти үзрә рајон мәһкәмәләринә ҝөндәрилиб.
Фактла бағлы Бакы Шәһәр Прокурорлуғу тәрәфиндән Ҹинајәт Мәҹәлләсинин 221.2.1 (бир груп шәхс тәрәфиндән хулиганлыг) вә 221.2.2-ҹи (иҹтимаи гајданын позулмасынын гаршысыны алан һакимијјәт нүмајәндәсинә мүгавимәт ҝөстәрмә) маддәләри илә ҹинајәт иши башланыб.
Диггәт: Хәбәрдән истифадә етдикдә мәнбәјә истинад лазымдыр
