Әһли Бејт -АБНА- хәбәр аҝентлијинин вердији хәбәрә әсасән: Бу ҝүн Азәрбајҹан республикасында әлијевләр режиминин тарихинде ән рүсвајчы аддымы ирәли атылараг өлкәнин намуслу вә пак инсанларына гаршы залымлыг едиләрәк мөвҹуд режимин газиләри тәрәфиндән исламчылар һәбсә мәруз галмышлар.
Бу әдаләтсизликлә разылашмајан бүтүн виҹданлы инсанлар вә гурумлар өз етиразларыны етмәкдә давамлыдырлар. Белә ки, Милли-Мәнәви Дәјәрләр Иҹтимаи Бирлији (ММДИБ) исламчыларын һәбсини писләјән бәјәнат јајыб.
Иҹтимаи Бирликдән верилән мәлумата ҝөрә, бәјанатда дејилир ки, “2011-ҹи илин јанвар ајында һәбс олунан Азәрбајҹан Ислам Партијасынын (АИП) сәдри Һаҹы Мөвсүм Сәмәдов, онун гајыны Фирдовси Мәммәдрзајев, әмиси оғлу Дәјанәт Сәмәдов, партија сәдр мүавини Вагиф Абдуллајев вә Астара рајон тәшкилатынын сәдри Руфулла Ахундзадә вә руһаниләр Сејјид Фәрамиз Аббасов барәсиндә мәһкәмә тамамилә әдаләтсиз гәрар чыхарыб. Бүтүн мәһкәмә ҝедишатында да шаһидләрин јалан ифадә вермәләри Азәрбајҹанда мәһкәмә системинин һансы формада ишләдијини бир даһа ајдынлашдырды. “Милли-Мәнәви Дәјәрләр” Иҹтимаи Бирлији ҹәмијјәтдә намуслу, әхлаглы, дүрүст, шәрәфли вә ләјагәтли инсанлар кими танынмыш вәтән өвладларынын бу ҹүр иттиһамла һәбс олунмасыны кәскин шәкилдә гынајыр, баш верән өзбашналыға вә инсан һүгугларынын кобуд сурәтдә позулмасына гәти етиразыны билдирир, өлкәнин мүвафиг рәһбәр структурларына сәсләнәрәк, бу мәмур вә полис өзбашналығына, исламчылара гаршы тәзјигләрә сон гојмаға чағырыр.
Диггәт: Хәбәрдән истифадә етдикдә мәнбәјә истинад лазымдыр
