АЗӘРБАЈҸАН РЕСПУБЛИКАСЫНЫН ПРЕЗИДЕНТИ ҸӘНАБ И. Һ. ӘЛИЈЕВӘ
Сурәти: Баш прокурор - З. Гаралова.
Сурәти: Дахили Ишләр Назири - Р. Усубова.
Сурәти: Милли Тәһлүкәсизлик Назири - Е. Маһмудова.Масаллы рајону, Агашбәјли кәнд сакини Пиријев Намиг Исҝәндәр оғлу тәрәфиндән
ӘРИЗӘ:
(Тәҹили)
Мөһтәрәм ҹәнаб Президент! Сизә билдирмәк истәјирәм ки, 2011-ҹи илин 24 јанвар тарихиндә һеч вахт танымадығым, үзүнү ҝөрмәдијим, сәсини ешитмәдијим бир ахунду, јәни Масаллы рајону Хыл кәндинин ахунду Һаҹы Фәрамиз Аббасову шәрләјәрәк һәбс етмишләр. Бу һадисәдән бир ҝүн кечәндән сонра Масаллы рајону Полис шөбәсинин әмәкдашларындан 2 нәфәр мәнә јахынлашараг, алдатмаг јолу илә мәнә билдирдиләр ки, гоншу дөвләт олан Иранын “Сәһәр” каналыны бағламаг үчүн имза топлајырыг. Мәни бу јолла алдадыб, ағ кағыза имза етдириб, шәхсијјәт вәсигәмдәки мәлуматлары ора көчүртдүләр. Һәлә үстәлик мәнә “сағ ол”-да дедиләр. Мәним һеч бир тәһсилим јохдур. Нә кирил, нә дә латын әлифбасында јазыб-охуја билмирәм. Бу һадисәдән бир мүддәт кечәндән сонра бу јахынларда Бакы Шәһәр Ағыр Ҹинајәтләр Мәһкәмәсиндән јашадығым үнвана чағырыш вәрәгәси ҝәләндән сонра баша дүшмүшәм ки, мәни алдадараг Һаҹы Фәрамизин үзүнә јаландан шаһид јазыблар вә бүтүн бөһтанлара имза етдирибләр. Мәним савадсызлығымдан суи-истифадә едәрәк мәни Мөмин бир бәндәнин үзүнә шаһид ҝөстәрмәклә һүгугларым позулмуш, јашадығым кәнддә, бөлҝәдә һөрмәтимә зәрбә вурулмуш вә ел ичиндә биабыр олмушам. Дост-танышын үзүнә баха билмирәм. Хејр-шәр мәҹлисләриндә иштирак едә билмирәм.Ону да билдирмәк истәјирәм ки, 26.09. 2011-ҹи илдә Ағыр Ҹинајәтләр Мәһкәмәсиндә шаһид кими ифадә верәрәк алдатма јолу илә мәндән алынмыш ифадәдән хәбәрим олмадығыны Мәһкәмә һејәтинә билдирдим. Һәтта просес иштиракчылары мәним неҹә савадсыз вә хәстә олдуғумун шаһиди олдулар. Просесдә ону да дедим ки, Һаҹы Фәрамиз Аббасову танымырам, һеч вахт ҝөрмәмишәм, һүзүр мәҹлисләриндә онунла растлашмамышам вә бу мәһкәмә просесиндә ҝөрдүм вә таныдым. Һәм дә хәҹаләт чәкдим. Ахы һеч бир вахт ҝөрмәдијим, танымадығым адам һаггында неҹә шаһидлик етмәк олар?
Бахын, ҝөрүн Масаллы полисинин бәзи әмәкдашлары мәним кими садә вәтәндашы, савадсыз бирисини Һаҹы Фәрамиз кими әлигуранлы Ахундун үзүнә јаландан неҹә шаһид кими гојур ки, өз мәкрли планларыны һәјата кечиртсинләр. Буну Аллаһ да бағышласа, Һаҹы Фәрамиз бағышламаз ахы!Мәни Һаҹы Фәрамизин үзүнә наһагдан гојанлара Аллаһдан ҹәза истәмәклә јанашы Сизләрдән хаһиш едирәм мәним, аилә үзвләримизин тәһлүкәсизлијини тәмин етмәк үчүн әлагәдар органлара ҝөстәриш верәсиниз. Мән Масаллы Полис Шөбәсинин мәни алдадан әмәкдашларындан чох горхуб вә еһтијат етдијим үчүн Сизләрә пәнаһ ҝәтирмишәм. Бир даһа Сизләрдән аҹизанә хаһиш едирәм, мәним вә аилә үзвләримизин изләнмәсинин, шәрләнмәсинин вә тәһлүкәсизлијимизин тәмин едилмәси үчүн көмәклик едәсиниз.
Аллаһ Сизләрә көмәк олсун.
Имза: Пиријев Н. И26. 09. 2011 Ш/В АЗЕ № 05585415
Хатырлатмаг истәрдик ки, бу әризәни Пиријев Н. И –нин јахынлары редаксијамыза тәгдим етмишләр. Әризә олдуғу кими дәрҹ олунмушдур.
ХЕБЕР44.com
