Әһли Бејт -АБНА- хәбәр аҝентлијинин вердији хәбәрә әсасән: Бу ҝүн бүтүн дүнја күтләви-информасија васитәләринин диггәти Америка Бирләшмиш Штатларында нүмајиш заманы һәјата кечирилән әмәлијјата јөнәлиб. Белә ки, Нју Јорк шәһәриндә "Уолл Стрити ишғал ет" адлы сосиал аксијанын 700-дән чох иштиракчысы һәбс едилиб. Онлар ашағы Манһеттендә, Бруклин көрпүсүндә нәглијјатын һәрәкәтинә мане олан ҝәнҹләрдир.
Нүмајишчиләр көрпүнү Манһеттен тәрәфдән бағладыгдан сонра күтләви һәбсләрә башланылыб.Гејд едәк ки, АБШ-да "малијјә терроризминә" гаршы чыхдыгларыны елан едән нүмајишчиләр даһа әввәл Уолл Стрит әразисиндә дүшәрҝә дә салмышдылар. "Уолл Стрити ишғал ет" һәрәкатынын фәаллары өлкәдә артмагда олан сосиал бәрабәрсизлик, ишсизлик сәвијјәсинин јүксәк олмасына етираз етдикләрини вә сијасәтчиләрин инсанлардан даһа чох ири ширкәтләрә көмәк етдијини билдирирләр.
Диггәт: Хәбәрдән истифадә етдикдә мәнбәјә истинад лазымдыр
