Милли Мәҹлисдә “сәринләнән” бәзи депутатлар јаддан чыхарыб ки, онлары сечән сечиҹиләрин проблемләрини һәлл етмәлидирләр. Һәр депутат сечки даирәсинә дахил олан әразидә јашајанларын проблемләринәҝөрә бирбаша мәсулијјәт дашыјыр. Хәзәр чиркләнир, ишсизлик өлкәни башына алыб, интиһар ҝүндәлик һадисәјә чеврилиб. Амма депутатлар ПКК-чыларла оруруб-дурур, Иранын проблемләри илә мәшғул олурлар. Санки онлары иранлылар ММ-ә сечиб.
Милли Мәҹлисин пајыз сессијасынын илк иҹласында депутат Гәнирә Пашајева да чыхыш едиб. О, Ҝүнеј Азәрбајҹандакы Урмија ҝөлүнүн гурумаг тәһлүкәси илә үзләшмәсинә етираз едән сојдашларымызын Иран һакимијјәтинин репрессијаларыа мәруз галмасындан данышыб.
Гәнирә Пашајева дејиб ки, “биз Урмија ҝөлү илә бағлы ҹәнубдакы сојдашларымыза дәстәк вермәлијик”. Депутат Иран парламентинә мүраҹиәт едиб ки, орада јашајан азәрбајҹанлыларын проблемләринә биҝанә галмасын. “Мән Иран парламентинә сәсләнирәм: Азәрбајҹан әлејһинә фәалијјәт ҝөстәрән “Сәһәр” каналына вердијиниз пулу Урмија ҝөлүнүн гурумасынын гаршысыны алмаға јөнәлдин”.
Депутат Сијавуш Новрузов исә Иранда јашајан 30 милјон азәрбајҹанлыны бу мәсләдә активлијә чағырыб. “Амма онларын өзләриндә дә бир һәтәкәт олмалыдыр”-дејә депутат вурғулајыб.
Депутат Фәзаил Ағамалы, Фәрәҹ Гулијев вә Игбал Ағазадә дә ејни проблемлә бағлы данышыблар.
Игбал Ағазадә Иранда һүгуглары позулан 35 милјон Азәрбајҹан мәсәләсинә рәсми Бакынын сәссиз галмасынын јахшы һал олмадығыны вә кәскин етираз билдирмәсини ваҹиблијини гејд едиб.
Депутатлар, депутатлар! Ҝүнаһ сиздә дејил, сизи…
Диггәт: Хәбәрдән истифадә етдикдә мәнбәјә истинад лазымдыр
