Азәрбајҹан Ислам Партијасынын сәдри. Бу јахынларда мән дә журналист кими онларын мәһкәмәсини ишыгландырмаг үчүн мәһкәмәдә идим. Һаким Елдар Исмајылов мәһкәмәдә фасилә елан етди. Мәһкәмә бинасы гаршысында һәмишә олдуғу кими өз телефонумла гурдаланырдым. Бу заман бир нәфәр мәнә јахынлашды. Ҝүлүмсәјәрәк деди: “Бир нечә дәфә сәни мәһкәмәдә ҝөрмүшәм. Сәнә бир шәкил ҝөндәрим ону ишыгландыр.”
Ачығы мәнә гәрибә ҝәлди ки, ахы шәкили неҹә ишыгландырым. Нә исә, ҝөндәр дедим. Шәкилә ишә ҝәләндә бахдым. Өз-өзүмә дедим бу шәкилә бир нечә ҹүмлә ҹызма-гара етмәсәм, ән азындан журналистлик һиссимә зидд аддым атмыш оларам. Јазмаға башладым. Буну әввәлдә гејд едим ки, шәкил Азәрбајҹан һакимијјәтинин дахили сијасәтинин аналогсуз тәҹәссүмүдүр. Инди ҝөрүн нә гәдәр бу кими көрпәләр һәр ҝүн һәбсаханаларын, мәһкәмәләрин гаршысында ҝөзү јашлы - дахилән налә едирләр. Әлбәттә сөһбәт ҹинајәткардан ҝетмир. Сијаси әгидәсинин гурбаны оланлардан, дүшмән бостанына даш атыб, дәмир бармаглыглар архасында оланлардан ҝедир. Бу шәкилә бахдыгда мәндә формалашан илк фикир иди. Чүнки һамымыз билирик ки, Доктор Мөвсүм Сәмәдов, һакимијјәтин апардығы мүгајисәсиз дахили вә хариҹи сијасәти тәнгид етдији үчүн һәбс едилиб. Бу елә дә “мүһүм” дејил. Мәнә елә ҝәлир бу ҝөзү јашлы гызҹығаз тәк дејил. Она јолдашлыг едәнләр чохдур. Бу гызҹығазын тимсалында Ариф Һаҹылы, Турал Аббаслы, Абҝүл Сүлејманов, Рамин Бајрамов, Немәт Пәнаһлы, Шаһин Һәсәнли, Видади Исҝәндәрли, Фәхри Илјасов, Азәр Ҹәбијевин вә.с сајмагла гуртармаз, өвладлары һәбсханалар өнүндә бојну бүкүклүдүрләр. Тәбии ки, бу биз гәбулландығымыз һазырки режимин бәхш етдији “јүксәк сәвијјәли” һәјатын ҝөрүнмәјән тәрәфидир. Јашадыгларымызда вә чәкдикләримиздә гисмән дә олса, биз дә ҝүнаһкарыг. Јәгин нә демәк истәдијими һамымыз анладыг.
Амма фотоја 3Д форматында баханда тамам башга тәәссүратлара гапылыр инсан. Санки гызҹығаз дејир ки, ахы атам ҹан һәкими иди. О инсанлара шәфа бәхш едирди. Мәним атам инсаларын маарифләнмәсиндә әлиндән ҝәләни едирди. Ахы о мәндән севҝи вә нәвазиши һеч вахт әскик етмирди. Инди онсуз мәнә јај ҝеҹәләри дә сојугдур. Чүнки онун исти нәфәси үзәримдә дејил. Амма ҝеҹәләр мәнә ҝәлиб баш чәкир дејир “гызым нараһат олма мәним сәнин вә ҹәмијјәтин азадлығына аз галыб. Сәнин бу аҹы долу јашадыгларынын тарихә говушмасына аз галыб. Сәнин тимсалында олан балаларымыз артыг һәбсахана гаршысында “ата”, - дејә сызылдамајҹаг. Сизләр бундан сонра Азәрбајҹанын ҝәләҹәјини тәмин едәҹәксиниз.”
“Атаҹан мән бу һәбсаханын гаршысында ҝөзү јашлы, гәлби сыныг, әлим ачыг шәкилдә сәнин јолуну ҝөзләјирәм. Ҝәл! Атаҹан, ҝәл әлимдән тут вә мәни јухуда дедијин азадлыға говушдур.”
П.С. Диггәтинизә чатдырым ки, Доктор Мөвсүм Сәмәдов Азәрбајҹан һакимијјәтини сәрт тәнгиди илә јадда галмышды. Мөвсүм бәј, сән демә һәм дә гајғыкеш ата, истедадлы һәким, савадлы забит вә бөјүк дини алим имиш. Мараглы бурасындадыр ки, танынмыш мүхалифәт лидерләри о ҹүмләдән Әли Кәримли, Иса Гәмбәр Сәмәдову дәстәкләјәрәк онун нәһз сијаси ирадәси вә халгын мүдафиәсинә галхдығы үчүн һәбс олундуғуну билдирсәләрдә, амма нәдәнсә бир чох мүхалифәтә мәнсуб медиалар һәбсә атылан диҝәр мүхалиф дустаглардан фәргләндирирләр.
Турал
