Әһли Бејт -АБНА- хәбәр аҝентлијинин вердији хәбәрә әсасән: Иран Ислам Республикасы Кәшфијјат Назирлијинин (ЕТТЕЛААТ) рәһбәри Һејдәр Мослеһи журналистләрлә ҝөрүшүндә сионист гүввәләр илә әлагәдә олан ББC-нин фарсдилли телевизијасы илә әмәкдашлыгда шүбһәли билинән даһа бир нечә фәрдин мәсулијјәтә ҹәлб едилдијини билдириб.
Һејдәр Мослеһи дејиб ки, онун башчылыг етдији назирлик бундан әввәл ББC илә һәр һансы бир әмәкдашлығын јолверилмәз олдуғу һагда хәбәрдарлыг етмишди: “ББC илә әмәкдашлыг едән, онунла әлагәдә оланлар һаггында мүһүм мәлуматлар әлдә едилиб вә бунунла бағлы даһа бир нечә нәфәр мәсулијјәтә ҹәлб едилиб. Мәсәлә ондан ибарәтдир ки, Инҝилтәрә хүсуси хидмәт органлары ББҸ пәрдәси алтында Иран Ислам Республикасына зидд јени фәалијјәт мәрһәләсинә башлајыблар. Биз исә бу тәхрибатчы фәалијјәтләрин гаршысыны алмаг истәјирик.
Биз һәмин шәхсләри ән гыса бир заманда тутуб һәбс етдик. Бизим һеч кәслә зарафатымыз јохдур. Бу шәхсләри тутаркән дә истәр дахилдән, истәрсә дә хариҹдән мүмкүн реаксијалары да нәзәрә алмышдыг. Биз бир даһа ислам ингилабына вә Ирана зидд бу тәшкилатла (ББC) әмәкдашлыг фикринә дүшәнләрә хәбәрдарлыг едирик ки, онун заһири фәалијјәтинә вә шүарларына алданмасынлар. Биз бүтүн бу әлагәләри нәзарәт алтында сахлајыр, вахты ҝәләндә лазым олан тәдбирләри ҝөрәҹәјик”.
Диггәт: Хәбәрдән истифадә етдикдә мәнбәјә истинад лазымдыр
