Әһли Бејт -АБНА- хәбәр аҝентлијинин вердији хәбәрә әсасән: Бу ҝүн 25 шәввал 24.9.2011 Һидајәт Чырағынын алтынҹы нурунун шәһадәт ҝүнүдүр. Бу ҝүн Имам Заманын (әҹҹәләллаһу фәрәҹәһуш шәриф) матәмә гәрг олан ҝүнүдүр. Бу ҝүн Ислам Дүнјасынын матәмәлә долу һүзүнлү ҝүнүдүр. Бу ҝүн Ислам Пејғәнбәринин (сәлләллаһу әлејһи вә алиһ) синәсинә алтынҹы дәрдли јаранын вурулан ҝүнүдүр. Бу ҝүн Аллаһын (ҹәллә ҹәлалуһ) јер үзәриндә Бәшәр вә Ҹин тајфаларына гәрар вердији 6-ҹы һөҹҹәтинин вә јер үзүндәки хәлифәсинин залым шејтан вә онун өвлијалары тәрәфиндән амансызҹасына шәһадәтә јетирилән ҝүнүдүр.
Биз АBNA.İR олараг бу һүзүнлү ҝүнү вә мүсибәтли анлары башда Имам Заман һәзрәтләри (әҹҹәләллаһу фәрәҹәһуш шәриф) олмагла онун һагг наиби Имам Хамнеијә вә бүтүн дүнја мүсәлман вә гејри мүсәлман халгларына баш сағлығы верир. Уҹа Аллаһдан һаммыныза сәбир вә о һәзрәтин јолуну давам едәнләрдән олмасыны арзу едирик.
Имам Садигин (әлејһис сәлам) елми мәгамы
Имам Садигин (әлејһис сәлам) елми Илаһи тәрәфдән она аталарына верилдији кими, “Ләдунни Елм” иди (јәни Аллаһ өз елмин онлара әта етмишир). Бу сәбәбдән дә онун фәзиләт вә билији диҝәр мүәллим јанында дәрс алмыш инсанлардан мүгајисә олунмаз һәддә артыг иди.
Бүтүн мәзһәб башчылары Имам Садиги (әлејһис сәлам) һөрмәтлә јад едир вә бир чох Ислами вә гејри Ислами елимләрин онун тәрәфиндән иҹад олундуғуна етираф едирләр.
Имам Садигин (әлејһис сәлам) јашадығы дөвран олдугҹа галмагаллы вә гатышыглы бир дөвран иди. Хејли сајда мүхтәлиф әгидәләрдә ислам ады алтында мәктәбләр јаранмагда иди. Һәтта гејри Ислами (Күфр) мәктәбләр белә сүрәтлә јранараг инсанлар арасында рәваҹ тапмагда иди. Буна мисал “Зәнадигә” (зындыглар јәни Аллаһы, Пејғәнбәрләри вә Ахирәти инкар едән материалистләр) мәктәбинин пејда олунмасыны диггәтә чәкмәк олар. Јахуд Ислам дини ады алтында мүхтәлиф азғын Фигһи (ислам һүгугу) мәктәбләрә мисал ҝәтирә биләрик ки, бу мәктәбләрин азғынлығы да онларын Илаһи Ганунлары әсассыз мәнбәләрә(Гијас етмәклијә, Истеһсана вә нәзәрә јахшы ҝәлмәклијә, Шәхси рәјләрә вә. с) истинад етмәклә әлә ҝәтирирдиләр.
Бу сәбәбдән дә Имам Садигин (әлејһис сәлам) гурдуғу мәктәб дөврүнүн мисилсиз һәгиги Илаһи академијасына чеврилди. Бу академијада Һәдис, Тәфсир, Кәлам (әгидә), Фигһ, Кимија, Физика, Ријазијјат, Астраномија вә.с кими дәрсләр кечирилирди.
Илаһи Академија Мәдинә шәһәриндә јерләширди. Бүтүн ислам мәмләкәтиндән бураја тәһсил алмаға мүхтәлиф дәрәҹәли алимләр ҝәлирди. Имамын дәрсиләриндә 4000 шаҝирд тәһсил алырды. Онларын арасында бир чох танынмыш инсанлар о ҹүмләдән әбу Һәнифәдә вар иди.
Диггәт: Хәбәрдән истифадә етдикдә мәнбәјә истинад лазымдыр
