Әһли Бејт -АБНА- хәбәр аҝентлијинин вердији хәбәрә әсасән:
АБШ режиминин дүнјанын демәк олар ки, 90 фаиз мәканында ҹасусханалары вардыр. Штатларын хариҹдәки ҹасуслуг принсипини һәјата кечирән органларынын һамысы онун өлкәләрдәки сәфирлији васитәси илә идарә олунур.
АБШ-ын Азәрбајҹан үзәриндә марағынын диҝәр өлкәләрә нисбәтән даһа чох олмасы сәбәбиндән бурадакы сәфирлик даһа чох потенсиала маликдир.
Хатириниздәдирсә, президент Обама Азәрбајҹана сәфир вәзифәсинә шәхсән өзүнүн сечдији адамы ҝөндәрди, һәтта Брајзанын сечилмәси дә мүзакирәсиз филансыз баш верди.
Брајзанын АТӘТ-ин Минск групунун һәмсәдри олмасы онун бу вәзифәјә тәјин олунмасы шансыны даһа да артырырды.
Һәмчинин Брајза һәлә о заманлар АБШ-ын бир нөмрәли дүшмәни Иран әлејһинә бир нечә дәфә мәтбуатда чыхышлар да етмишдир. Әлбәттә ки, белә бир кадрын Иранын јахын гоншусу олан Азәрбајҹанда ҹасуслуг етмәси даһа мәгсәдә ујғун иди.
Диҝәр тәрәфдән Обама јахшы билирди ки, Брајза Ермәнистан- Азәрбајҹан арасында апарылан мүзакирәләрин узадылмасында мүһүм рол ојнајан дипломатлардандыр. Мәһз онун Азәрбајҹанда сәфир олмасы АБШ-ын ҝизли планларыны һәјата кечирмәсинә көмәк ола биләр.
Мәсәләјә диҝәр тәрәфәдән јанашсаг ҝөрәрик ки, Брајза АБШ-ын Азәрбајҹанда фәалијјәт ҝөстәрмиш сабиг
сәфирләриндән фәргләнир. Әввәлки сәфирләр Бакыда јашадыглары дөврдә өзләрини Азәрбајҹан президентиндән һеч дә фәргләндирмирдиләр. Онлары халг јалныз телевизија васитәси илә ҝөрә билирди. Бир чох дөвләт тәдбирләринә дә гатылмағы севмирдиләр вә мүхтәлиф бәһанәләрлә иҹтимаијјәт арасында ҝөрүнмәкдән јајынырдылар.
Брајзаја ҝәлинҹә исә о тамам башга бир стратеҝија јүрүдүр. Брајза сакинләр арасына чыхмагдан, тәк башына күчәдә ҝәзмәкдән, һәтта бир нечә ај бундан өнҹә Бакыда кечирилән мүхалифәтин митингләри заманы аиләси илә бирҝә “Фәвварәләр Мејданын” да истираһәт етмәк бәһанәси илә чыхараг митинги изләмәкдән белә чәкинмир.Әлбәттә ки, бурада сәфирин шәхси кејфијјәтләринин мүсбәт олмасы, онун садә характерә малик олмасыны дүшүнмәк садәлөвһлүк олар. Шүбһәсиз ки бу АБШ-ын јени сијаси ҝедишидир вә сәфирин халг арасында севилмә сијасәтинә хидмәт едир. “
Дүнән исә АБШ-ын Бакыдакы сәфирлији нөвбәти бир сијаси ҝедишә имза атды. Мүбарәк Рамазан ајы мүнасибти илә сәфирлик ифтар сүфрәси ачараг бир чох дөвләт рәсмиләрини ифтара дәвәт етди. Ифтар сүфрәсини ачыг елан едән Брајза чыхышында “ Гурани-Кәримдә дејилир ки, бу ҝеҹә башга чохсајлы ҝеҹәләрдән даһа өнәмлидир. Чүнки бу ҝеҹә мәләкләр јерә енир вә инсанларын дуаларыны ешидир. Гәдр ҝеҹәси мәним аиләм вә сәфирлик һејәти үчүн өнәмли ҝеҹәләрдән биридир”.
Чох ҝүлмәли бир һадисәдир. Сән демә дүнјада мүсәлманларын ганына сусамыш АБШ-ын сәфири Гурани Кәрим дә охујур. Амма һәм дә ҝөзәл һалдыр. Бәс ҝөрәсән АБШ сәфири Гурани Кәрими охујаркән ҝүнаһсыз инсанлары гәтлә јетирмәјин нә бојда ҝүнаһ олдуғуну дејән ајәләрә раст ҝәлибми?
Бир мүсәлан олараг сәфир Брајзаја мүраҹиәтим будур. Инсан бу гәдәр ики үзлү олмаз. Сән һара, вердијин ифтар сүфрәси һара?
Сән доғурданмы бир -ики оруҹдан хәбәри олмајаны башына јығыб һарамлардан ачдығын гонаглыг сүфрәсини “ифтар сүфрәси” олдуғуна инанырсан? Јохса әлә салырсан мүсәлман халгыны?
Әҝәр һәгигәтән бунун ифтар сүфрәси олдуғуна инанырсанса, јанылырсан. “Ифтар сүфрәси” Аллаһын инсанларын һалал газанҹындан әлдә етдикләри немәтләрлә ачылан сүфрәдир бизим динимиздә. Сәнин ачдығын сүфрәнин һарамлығы нә инки бизә, дүнјанын һәр бир халгына мәлумдур. Һәтта сүфрә башында Рамазан дуасы охујан ГМИ сәдринин мүавини Салман Мусајев дә буну чох ҝөзәл билир. Нечә-нечә өлкәнин ишғалындан әлдә етдијиниз газанҹла малијјәләшмирми сизин сәфирликләр?
КӘНАН МЕҺДИ
Диггәт: Хәбәрдән истифадә етдикдә мәнбәјә истинад лазымдыр
