Әһли Бејт -АБНА- хәбәр аҝентлијинин вердији хәбәрә әсасән:
Бу ҝүн Нәсими рајон мәһкәмәсиндә Рүфәт Һаҹыбәјлинин мәһкәмәси кечирилиб. Рүфәт Һаҹыбәјлинин вәкили Елчин Намазов Нәсими рајон мәһкәмәсиндә иҹрачы һаким Шаһин Абдуллајев тәрәфиндән бу мәһкәмәдән кәнарлашдырылыб. Бу барәдә вәкил Елчин Намазовун өзү мәлумат вериб. Сәбәб кими исә Елчин Намазовун вәкиллик етикасыны позмасы ҝөстәрилмәсинә бахмајараг Елчин Намазов бунун там башга сәбәбдән баш вердијини сөјләјиб:
“Мәһкәмәјә вәсатәт вә етираз вермишәм. Әввәлҹә вәсатәти гәбул етмәди. Вәсатәтими гәбул етмәдијинә ҝөрә, мәһкәмәјә етираз вердим ки, сиз дүз еләмирсиз. Һаким јенидән етиразымы ҝөтүрүб һеч бир мүзакирә етмәдән рәдд еләди. Бу ҹүр рәдд еләмә ганунвериҹилијә дә зиддир. Ганунда вардыр ки, етираз мүшавирәдә вә просес иштиракчылары илә мүзакирә олундугдан сонра рәдд олуна биләр. Лакин һаким Шаһин Абдуллајев вердијимиз етиразы һеч бир мүзакирә етмәдән әлинә алан кими бахылмамыш сахлады. Сонра бунунла бағлы бир аз мүбаһисә јаранды. Мән өз етиразымы билдирдим. Һакимләр мүшавирәјә јолланыб гајытдыгдан сонра билдирдиләр ки, Елчин Намазов Рүфәт Һаҹыбәјлинин ишиндән узаглашдырылсын вә барәсиндә ҹинајәт ишинин башланылмасы үчүн прокурорлуға вә вәкилләр коллеҝијасындан чыхардылмасы үчүн коллеҝијаја мәлумат верилсин. Гәрары истәдим, һаким билдирди ки, гәрары ҝедәрсән прокурорлугда верәҹәкләр. Бу әввәлҹәдән планлашдырылмыш бир шеј иди. Мәндә мәлумат вар иди ки, бу шәкилдә вәзијјәт јарадыб һәмин гәрары верәҹәкләр. Мән буну инди јох, дүз 3 ҝүн бундан әввәл билирдим.”
Диггәт: Хәбәрдән истифадә етдикдә мәнбәјә истинад лазымдыр
