Әһли Бејт -АБНА- хәбәр аҝентлијинин вердији хәбәрә әсасән:
Дүнја, азадлыг һајгырыглары атараг күчәләрә чыхмыш, диктатор вә халга тәзјиг ҝөстәрән режимләрә гаршы чыхмыш халгларын сәсләри илә чалхаланаркән, Азәрбајҹан дөвләти, һәлә дә инсан һаггларыны ҹидди шәкилдә позмаға давам етмәкдәдир. Бунунла бирликдә; силаһа вә ихтишаша булашмамыш, ҹәмијјәтин таныдығы инсанлары бәзи ујдурма иттиһамларла һәбс едәрәк ҝәләҹәјини өз әлләри илә тәһлүкәјә атмагдадыр.
Демократија јолунда олдуғуну сөјләјән бир режимин илк әввәл инандырыҹы олмасы үчүн сөз азадлығынын гаршысыны алмамалыдыр. Бир адам вә ја груп, халгы силаһлы үсјана чағырмајынҹа вә буна мәҹбур етмәдикҹә һәр ҹүр фикрини ачыгҹа ифадә едә билмәлидир.
Һалбуки Азәрбајҹанын нә сөз азадлығына дөзүмлүлүјү вар, нәдә инанҹ азадлығына һөрмәти.
Ҹәмијјәтин хәбәр алдығы вә дүшүнҹәсини сәрбәст шәкилдә бөлүшдүјү виртуал хәбәр јајмаға гаршы ҝөстәрилән тәзјигләр журналист јолдашымызын һәбс олунмасына сәбәб олуб.
Әлиндә гәләм вә фотоапаратындан башга һеч бир вәсаити олмајан журналист Рамин Бајрамовун, әлиндә бу сәфәр сахта бир иттиһам тәртиб едилмәси илә силаһ вә ҝероин вармыш кими ҝөстәрилмәси вә буну өзләринә мәхсус КИВ-дә јајмаг јалныз тәзјиг едән режимләрин әл атдығы үсулдур.
Дини тәһсил алмыш руһани Абҝүл Сүлејманов вә сијаси партијанын функсијонери Ариф Гәнијевин ҹәмијјәт өнүндәки һөрмәтли вә мәсулијјәт тәләб едән шәхсијјәтләри һечә сајылараг вә алчалдылараг "истифадә етмәк" вә ја "сатмаг" мәгсәди илә ҝероин сахламагдан бөһтан атылмышдыр.
Һалбуки ајлардыр инсан һагглары тәшкилаты олараг изләдијимиз Азәрбајҹан, өзү илә мүхалиф дүшүнҹәдә олан дини инанҹлы халгын өндә ҝедәнләрини ағыр иттиһамларла һәбс етмиш вә һиҹаб гадағасына гаршы мејдана ҝәлән мүгавимәт руһијјәсини сындырмаға чалышмышдыр.
Дөвләт адамлары үчүн дүнјада даһа әввәлки тәҹрүбәләри ҝөрмәмәзликдән ҝәлмәк вә тарихи унутмаг, ҹидди бир талеһсизликдир. Бүтүн дүнја мәтбуаты вә инсан һагглары тәшкилатлары Азәрбајҹаны изләмәкдәдир. Дөвләти идарә едәнләрин бу рәфтарлары, јахын заман әрзиндә Авропа инсан һагглары мәһкәмәләринә ҝедәҹәк. Азәрбајҹан дөвләти бу мәһкәмәләрдән чох бөјүк мигдарда пул вәсаити илә ҹәзаландырылаҹаг, бунунла бирликдә Авропада олан етибарыны да итирәҹәк.
Әҝәр демократија дејирләрсә вә сәмимидирләрсә демократијаны бәрпа етмәк үчүн һәлә дә чох ҝеҹ дејил. Пис тәҹрүбәләри башгалары тәрәфиндән һәјата кечирилмишкән бир даһа реаллашдырмаг гәдәр ахмаг бир шеј јохдур.
ИншАллаһ һагг өз јерини тапаҹаг!
Диггәт: Хәбәрдән истифадә етдикдә мәнбәјә истинад лазымдыр
