Әһли Бејт -АБНА- хәбәр аҝентлијинин вердији хәбәрә әсасән: Әрдоғанын Бакы сәфәри илә бағлы мәсәләсиндә бир чохларынын фикирләри Азәрбајҹан рәсмиләринин фикирләри илә үст-үстә дүшмүр. Белә ки, Азәрбајҹан һөкумәти артыг Исраил режими илә анлашыб. Вә сионист јәһудиләрин марагларыны горујаан рәсми Бакы илә бу ҝүн Фәләстинин баш һимајәдарындан биринә чеврилмиш Әрдоғанын һансыса мүстәвидә анлашмасы гејри-мүмкүндүр.
Диҝәр тәрәфдән Азәрбајҹан игтидары әслиндә Бакы-Тифлис-Ҹејһан хәттинин дә Түркијәнин әразисиндән кечмәсинә чалышрды: «Амма буну баҹара билмирләр. Чүнки БТҸ хәтти илә Исраилә нефт өтүрүлүр. Азәрбајҹандан олсајды, јәһуди гардашларына нефти Түркијәнин јох, Русијанын арачылығы илә өтүрәрди. Амма нә јазыг ки, Русија Исраиллә гоншу дејил.
Даһа сонра мәлумата ҝөрә Әрдоған Бакыда гаршыланма мәрасими заманы ајагүстү шәкилдә Азәрбајҹан Дөвләт Нефт Ширкәтинин президенти Рөвнәг Абдуллајевлә дә зарафатлашыб: Онларын һансы мөвзуда данышдыгларыны тәхмин етмәк чох асандыр. Чох ҝүман түркијәли баш назир Азәрбајҹанын нефт патронундан «нәдән бизимлә тәбии газ мөвзусунда анлашмырсыныз» суалына ҹаваб истәјиб вә Рөвнәг Абдуллајев дә ҹавабында «мән чох кичик адамам» ҹавабыны вериб. Онларын арасындакы диалогун тәхминән бу тәрздә ола биләҹәјини шүбһәсиздир. Чүнки Азәрбајҹан һакимијјәти сон илләрдә нүмајиш етдирдији сијасәти илә өзүнүн әсас ортагларыны чохдан мүәјјән едиб. Сионист Гәрбин дигтәсиндән чыхмајан бир өлкәнин мүстәгил гәрар вермәси мүмкүн дејил. Белә олан һалда, Рөвнәг Абдуллајев кимдир ки мүстәгил шәкилдә һансыса мәсәлә илә бағлы гәрар верә билсин.
Ону да гејд едәк ки, Әрдоған Бакыда чох мүһүм вәдләрлә чыхыш едиб. Рәҹәб Тајјиб Әрдоған јахшы билир ки, Азәрбајҹан һөкумәти Гарабағ проблеминин мүһарибә јолу илә һәлл олунмасына гәрар верә билмәз. Она ҝөрә дә Түркијәнин баш назири Азәрбајҹан Республикасынын президенти Илһам Әлијеви үрәкләндирмәк үчүн һәтта һәрби әмәлијјатлар бәрпа олунарса, бу заман Түркијәдән ачыг һәрби дәстәк ала биләҹәјини сөјләјиб.
Азәрбајҹан һакимијјәтиндәки етибарлы мәнбәләрә истинадән билдирилир ки, Әрдоған һәтта Илһам Әлијевә Түркијәнин һәрби техники имканларындан да јарарланма фүрсәтини таныдығыны бәјан едиб: «Әслиндә Илһам Әлијев белә бир ҹәсарәтли аддымы ата билмәз. Чүнки дәфәләрлә Иран тәрәфи дә гејри-рәсми данышыгларда Азәрбајҹана һәрби мәсәләдә јардым едәҹәјини сөјләјиб. Амма рәсми Бакы бунлары ҝери чевириб. Чүнки онларын Гарабағ проблемини һәлл етмәк кими бир нијјәтләри јохдур. Әҝәр олсајды, бу ҝүн Гарабағы ала биләҹәк дин әһлинә гаршы репрессија сијасәти јүрүдүлмәзди».
Диггәт: Хәбәрдән истифадә етдикдә мәнбәјә истинад лазымдыр
