Әһли Бејт -АБНА- хәбәр аҝентлијинин вердији хәбәрә әсасән: Ермәни ишғалчыларынын мәтбуатында Азәрбајҹан мәмурларынын Ермәнистандакы бизнеси илә бағлы ҝедән материаллардан сизләри хәбәрдар етмишдик. Бу дәфә дүшмәнләримизин «армениантрибун» хәбәр порталында Ермәнистана давамлы олараг мәхфи гајдада сәфәр едән мәмурларымызын адлары ачыгланыб. Вә бу ачыгланан фактларын Азәрбајҹанда да бөјүк резонанса нәдән олаҹағы һеч шүбһәсиздир.
Сөзүҝедән гајнагда јер алан «Азәрбајҹанын һансы мәмурлары Ермәнистана тез-тез сәфәр едир» башлыглы мәгаләдә билдирилир ки, заман-заман Азәрбајҹанын нүфузлу дөвләт адамлары арадакы конфликтин олмасына бахмајараг Ермәнистана сәфәр едибләр. Бу сәфәрләрин бөүк әксәријјәти рәсми характер дашыса да вә јахуд да мәтбуат вә иҹтимаијјәт үчүн ачыг олса да, мәхфи шәкилдә Ирәвана сәфәр едән азәрбајҹанлы мәмурлар да јетәринҹәдир.
Мәнбә билдирир ки, Ишғалчы Ермәнистаны севән вә Ирәвана давамлы олараг сәфәр едән мәмурларымызын өнүндә ҝәләни бир заманлар мәдәнијјәт назирлијинә рәһбәрлик етмиш, һазырда исә Азәрбајҹаны Русијада сәфир гисминдә тәмсил едән Полад Бүлбүлоғлу ҝәлмәкдәдир. Ермәни ишғалчыларынын мәтбуатынын јаздығына ҝөрә, Полад Бүлбүлоғлу бир мүддәт әввәл «халг дипломатијасы» ады алтында һәм Ирәвана вә һәм дә Гарабаға сәфәр едән «зијалы» групунун тәркибиндә дә вар иди:
«Амма Полад Бүлбүлоғлу ермәни сәнәт достларынын дәвәти вә мүшајиәти илә бир нечә дәфә Ирәванда олуб». Һәтта кечән һәфтә дә Русијадакы сәфиримизин Ермәнистанда олдуғуну билдирән мәнбә гејд едир ки, азәрбајҹанлы сәфири ермәни достлары Ҝөјчә ҝөлүнүн әтрафындакы истираһәт мәркәзләринин бириндә ағырлајыблар.
Мәнбә ејни заманда даһа бир нечә мәмурумузун да Ермәнистана давамлы олараг сәфәр етдијини билдирсә дә, һәләлик ад чәкмәјиб.
Диггәт: Хәбәрдән истифадә етдикдә мәнбәјә истинад лазымдыр
