Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Зәрдаб рајон сакини Украјнада ҝүлләләниб. Һадисә дүнән Донетск шәһәриндә баш вериб. Рајонун Мәммәдгасымлы кәндиндә анадан олан 45 јашлы Һәмидов Салман Абдуләзиз оғлу 3 ҝүллә јарасы илә хәстәханаја јерләшдирилиб. Онун вәзијјәтинин ағыр олдуғу билдирилир.
Кәнд сакинләринин вердији мәлумата ҝөрә, Салман Һәмидов узун мүддәтдир ки, аиләси илә бирҝә Украјнада јашајыр. Онун иш адамы олдуғу билдирилир.
Гејд едәк ки, ијулун 13-дә Украјнанын Донетск шәһәриндә Зәрдаб рајонунун Мәммәдгасымлы кәнд сакини Абдуллајев Камал Абдулла оғлу гәтлә јетирилиб. 1962-ҹи ил тәвәллүдлү Камал Абдуллајевин башы кәсилиб. Онун мејити бу ҝүнләрдә доғулдуғу кәндә ҝәтириләҹәк. Камал Абдуллајевин дә узун мүддәтдир Украјнада јашадығы ачыгланыб.
Диггәт: Хәбәрдән истифадә етдикдә мәнбәјә истинад лазымдыр
