Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан пајтахтында даһа бир дәһшәтли гәтл төрәдилиб. Һүгуг-мүһафизә органларындан верилән мәлумата ҝөрә, һадисә пајтахтын Нәриманов рајонунда баш вериб. Ҹинајәт Аға Немәтулла күчәси ев 62, мәнзил 16 үнванында гејдә алыныб. Сөзүҝедән мәнзилдә јашајан шәхсләрин өлдүрүлмәси барәдә полисә мәлумат дахил олуб. Дахил олан мәлумат әсасында һәмин үнвана әмәлијјат групу ҝөндәрилиб.
Һадисә јеринә бахыш кечириләркән мәлум олуб ки, адычәкилән үнванда јашајанлар - 80 јашлы Ҹаббар Әкбәров вә онун һәјат јолдашы, 76 јашлы Телли Ҹаббарова бычагланараг хүсуси амансызлыгла гәтлә јетирилибләр.
Баш вермиш һадисә илә бағлы ҹинајәт иши Бакы шәһәр прокурорлуғунун истинтаг идарәсинин иҹраатына верилиб. Бакы шәһәр прокурорлуғундан верилән мәлумата ҝөрә, фактла бағлы Ҹинајәт Мәҹәлләсинин ики вә ја даһа чох шәхси гәсдән өлдүрмә (120.2.7-ҹи) маддәси илә ҹинајәт иши башланыб, истинтаг тәдбирләри апарылыр.
Һадисәнин мотиви вә ону төрәдән шәхсләр һәләлик мүәјјән едилмәјиб. Ҹинајәти төрәдәнләрин мүәјјәнләшдирилиб тутулмасы үчүн әмәлијјат-ахтарыш тәдбирләри давам етдирилир.
Фактла бағлы ҹинајәт иши башланыб, истинтаг апарылыр.
Диггәт: Хәбәрдән истифадә етдикдә мәнбәјә истинад лазымдыр
