Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Ислам Партијасы (АИП) нөвбәти Баш Мәҹлисиндә партијанын сијаси мәсәләләр үзрә сәдр мүавини Акиф Һедјдәрли иштиракчыларын диггәтинә чатдырыб: “Азәрбајҹан Республикасы пајтахты Бакы милли мејарлардан узаглашдырылыр. Бакы дүнјанын бир чох јерләриндә јәһуди шәһәри кими тәгдим олунур. Һәтта Азәрбајҹанын символларындан сајылан Гызгаласы јәһуди логосу илә тәблиғ едилир."
Иҹласда партијанын иҹтимаи мәсәләләр үзрә сәдр мүавини Ингилаб Әһәдли Азәрбајҹан Силаһлы Гүввәләринин јаранмасы ҝүнүнә һәср олунмуш парада да белә мүнасибәт билдириб: "Билидијиниз кими Исраилин силаһлары Бакыда мөһтәшәм сәвијјәдә нүмајиш олунду. Рәнҝләнмиш һәрби техниканын бу сәвијјәдә ҝөстәрилмәси баша дүшүлән дејил".
Ингилаб Әһәдли президент сарајында кечирилимиш ҝөрүш һаггында мәлумат вериб.
Һаҹы Ингилаб Әһәдли дејиб : "Биз кечән Баш Мәҹлисдә өлкә башчысы илә ҝөрүшмәјин ваҹиблијини нәзәрә алараг, президентлә ҝөрүшмәк үчүн мүраҹиәт етдик. Президент Апаратында бизи нормал гаршылајыб, сәмими мүзакирәләр апардылар. Әсасән һиҹаб проблем вә һәбс олунан диндарларын азадлыға чыхмалары һаггында халгын истәјини һаким даирәләрин диггәтинә чатдырдыг. Чох тәәссүфки, нөвбәти дәфә ҝөрүш имканы әлдә едә билмәдик".
АИП-ин сәдри Елчин Манафов партијанын мүбаризә јолуна ајдынлыг ҝәтирәркән дејиб : "Биз сивил јолла мүбаризә апармағы гаршыја мәгсәд гојмушуг. Елә она ҝөрә дә артыг үчдәфә Бакы Шәһәр Иҹра Һакимијјәтинә (БШИҺ) динҹ аксија кечирмәк үчүн мүраҹиәт етмишик.Бу мүраҹиәтләрин һеч биринә тәәссүф олсун ки, мүсбәт ҹаваб верилмәјиб.Әксинә һәр дәфә әсассыз вә мәнтигсиз ҹавабларла бизә "јох" дејилиб. Биз һесаб едирик ки, ән дүзҝүн мүбаризә јолуну сечмишик. Бу истигамәтдә фәалијјәтимизи давам етдирәҹәјик".
Партијанын гадынлар тәшкилатынын рәһбәри Нөврәстә Ибраһимова исә вурғулајыб : "Мән бүтүн диггәти Гуранын јандырылмасы заманы дүнјанын һәр јериндән ҝәлән реаксијаја јөнәлтмәк истәјирәм. О заман тәкҹә Азәрбајҹан рәһбәрлији сусду. Чүнки, Исраилин һөкмранлығы өлкәмиздә давам едир. Бундан әла вә һиҹаб проблеми даһа сүмүјә дирәниб. Һесаб едирәм ки, һеч кәсә бу халгын мүтләг рәһбәрлији верилмәјиб. Вә мәмурларын тутдуглары вәзифәләр аталарындан мирас галмајыб. Торпаг гејрәти илә һиҹаб гејрәти бир-биринә зәнҹир кими бағлыдыр".
Иҹласда Баш Мәҹлисдә Шаһин Әлијев мәдәни-маариф мәсәләләр үзрә сәдр мүавини тәјин олунуб.
Бәзи рајонларда да јени комитә сәдрләри сечилиб. Белә ки, АИП-ин Ширван рајон комитәсинә Әлисафа Әһәдов,Имишли рајон комитәсинә Рәмзи Тағијев, Сабирабад рајон комитәсинә Мираслан Мәммәдов, Күрдәмир рајон комитәсинә исә Меһди Әһмәдов сәдр сечилиб.
Диггәт: Хәбәрдән истифадә етдикдә мәнбәјә истинад лазымдыр
