Әһли Бејт -АБНА- хәбәр аҝентлијинин вердији хәбәрә әсасән: АБШ-ын Пакистанын гәбилә мәнтәгәләринә ракет һүҹумларында 35 нәфәр һәлак олуб.
Алманија Хәбәр Аҝентлијинин мәлуматына ҝөрә, адынын ҝизли сахланылмасыны истәјән Пакистанын бир тәһлүкәсизлик рәсмиси дејиб: АБШ-ын дүнән ахшам Дата Хил мәнгәтәсинә олан 2 ракет һүҹумунда 5 нәфәр һәјатыны итириб.
Хәбәр мәнбәләри бунун ардынҹа АБШ ордусунун һәмин мәнтәгәјә даһа 8 ракет бурахдыгларыны вә нәтиҹәдә 20 нәфәрин һәлак олдуғуну билдирибләр. Һүҹум заманы онларла нәфәрин дә јараландығы билдирилир.
АБШ-ын ракет һүҹумлары заманы чохлу сајда јашајыш бинасынын дағылдығы да билдирилир.
Тибб мәнбәләри јаралыларын бәзиләринин вәзијјәтинин ағыр олдуғуну гејд едибләр.
АБШ ордусу һәмчинин бу ҝүн сәһәр Пакистанын Ҹәнуби Вәзирстан вилајәтини даһа 2 ракет илә һәдәфә алыб. Һүҹум нәтиҹәсиндә ракетләрдән биринин һәдәфинә чеврилән бир сәрнишин машынында олан 6 нәфәр һәјатыны итириб.
АБШ-ын Пакистанын сәрһәд мәнтәгәләринә ракет һүҹумлары, ики өлкә арасындакы мүнасибәтләрдә бунунла бағлы јашанан ҝәрҝинлијә рәғмән давам едир.
АБШ-ын Пакистанын гәбилә сакинли мәнтәгәләринә олан ракет һүҹумлары ејни заманда Пакистан халгы вә рәсмиләринин гәзәбинә сәбәб олуб вә дәфәләрлә етираз аксијалары кечириләрәк, Вашингтонун тәҹавүзкарлыг сијасәтләри писләнилиб.
Диггәт: Хәбәрдән истифадә етдикдә мәнбәјә истинад лазымдыр
