Әһли Бејт -АБНА- хәбәр аҝентлијинин вердији хәбәрә әсасән: Ирагын баш назири дејиб: Бу ҝүн Ирагда сабитлик вә тәһлүкәсизлијин бәргәрар едилмәси илә хариҹи зәвварлар үчүн һәр ҝүн даһа мүнасиб шәраит јарадырыг вә иранлы зәвварлар үчүн визанын верилмәси просесини сүрәтләндирмишик.
Нури Малики чәршәнбә ҝүнү Бағдадда сәфәрдә олан Иранын витсе-президенти Мәһәммәд Рза Рәһими илә бирҝә мәтбуат конфрансында ИРНА мүхбиринин "Ираг һөкумәти иранлы зәвварларын рифаһы вә асајишинин тәмин едилмәси үчүн һансы тәдбирләр һәјата кечириб?" суалына ҹаваб олараг дејиб: Кечмишдә иранлы вә диҝәр өлкәдән олан зәвварлара хидмәт саһәсиндә бир чох нөгсан вә гүсурлар мөвҹуд иди. Әлбәттә, бу гүсурлар өтән илләрдә Ирагда мүнасиб шәраитин олмамасындан мәншә алырды.
Нури Малики јени отел вә гонаг евләринин тикилмәси, истираһәт мәркәзләринин јарадылмасы вә јени һава лиманларынын истифадәјә верилмәсини Ираг һөкумәтинин мүгәддәс мәканларын зијарәтинә ҝәлән зәвварларын рифаһыны тәмин етмәк үчүн ҝөрдүјү ишләрдән адландырыб.
Диггәт: Хәбәрдән истифадә етдикдә мәнбәјә истинад лазымдыр
