Әһли Бејт -АБНА- хәбәр аҝентлијинин вердији хәбәрә әсасән: АБШ-ын “Вашингтон Пост” гәзетинин әмәкдашы Уилл Ингланд Азәрбајҹанын ишғал олунмуш торпагларына сәфәр едиб. Онун ишғал едилмиш әразидән һазырладығы репортаж ијулун 7-дә “Вашингтон Пост”да “Гарабағда илк постсовет мүһарибәси” ады алтында дәрҹ олунуб.
Мүәллиф репортажда 1980-ҹи илләрдә Совет Иттифагында баш верән дини вә етник мүнагишәләрә гысаҹа тохунур вә гејд едир ки, Дағлыг Гарабағ бунларын арасында ән гајнар мүнагишәдир.
Уилл Ингланд јазыр ки, Дағлыг Гарабағ әсасән ермәниләрин сых јашадығы бөлҝә олса да, 1921-ҹи илдә Иосиф Сталин бу бөлҝәни Азәрбајҹана вериб, чүнки о вахт милли мәсәләләр үзрә комиссар олан Сталин “парчала, һөкм сүр” стратеҝијасындан идарә едирмиш вә тез-тез етник груплар арасында сәрһәдләри дәјиширмиш.
Мүәллиф гејд едир ки, 1988-ҹи илдә Дағлыг Гарабағын лидерләри Ермәнистана бирләшмәк истәдикләрини бәјан едәндә Москва буна һеч бир ҹаваб вермәјиб, Азәрбајҹан исә һәмин истәјә ҹаваб олараг етник ермәниләрә гаршы таланлара башлајыб, онларла инсан өлдүрүлүб.
“Гарабағда илк постсовет мүһарибәси”ндә Азәрбајҹанын ишғал едилмиш торпагларында гурулан сепаратчы режими һеч бир дөвләтин танымадығы хатырладылса да, билдирилир ки, бу, де-факто республикадыр. Репортажда вурғуланыр ки, Дағлыг Гарабағ әмин-аманлығын һөкм сүрдүјү бир јердир, Азәрбајҹан үзәриндәки гәләбәсиндән чох мәмнундур, Азәрбајҹан тәрәфдән ҝәлән мүһарибә тәһдидләриндән чәкинмир вә чох тәәссүф едир ки, данышыглар масасында она јер верилмир.
Мүәллиф јазыр ки, бејнәлхалг аләм Дағлыг Гарабағы танысајды, гарабағлылар буну дәјәрләндирәрдиләр, лакин онлар бундан өтрү јалвармырлар.
Уилл Ингландын иддиасына ҝөрә, Дағлыг Гарабағда инсанлар инанырлар ки, бејнәлхалг бирлик Азәрбајҹанын совет дөврүндә јарадылмыш сүни сәрһәдләрини танымасајды, Азәрбајҹан һүҹума кечмәјә ҹүрәт етмәзди вә нәтиҹәдә инсанларын һәјатында бу чәтинликләр дә ортаја чыхмазды. Мүәллиф бүтүн бунларын әвәзиндә бомбалар алтында минләрлә инсанын өлдүјүнү, Степанакертин јарысынын дағыдылдығыны вә “Дағлыг Гарабағын әнәнәви ады олан Артсахын шәһидләри” һагда әфсанәләрин јарандығыны вурғулајыр.
Мүәллиф бәјан едир ки, (јазмыр, мәһз бәјан едир) Дағлыг Гарабағдакылар сүлһ наминә торпагдан кечмәзләр, ејни заманда башга бир шејдә дә ҝүзәштә ҝетмәзләр.
Репортаж ишғалчы ордунун мәдһијјәси илә баша чатыр. Ишғалда иштирак етмиш, һазырда еһтијатда олан ермәни забит Роберт Бағырјан “Артсахын азадлығындан” данышыр. Уилл Ингланд Бағырјаны охуҹулара тәгдим едәндә јазыр ки, о, совет ордусунда сержант кими хидмәт едиб вә Бағырјандан бу ики орду арасындакы фәргин нәдә олдуғуну сорушанда белә ҹаваб верир: “Советләр һеч вахт ордуја бу гәдәр диггәт ајырмајыблар”.
ГЕЈД: Танк үзәриндәки хач нишанәсинә диггәтлә бахын!
Шушаја ҝирән илк ермәни танкына гојулмуш абидә
 |
Ҹыдыр дүзү |
 |
 |
Шушада ахшам |
 |
Диггәт: Хәбәрдән истифадә етдикдә мәнбәјә истинад лазымдыр
