Әһли Бејт -АБНА- хәбәр аҝентлијинин вердији хәбәрә әсасән: Хәзәр рајону Бузовна гәсәбәси әразисиндә намәлум киши мејити тапылыб. Мејити гәсәбә сакинләри ашкар едибләр. Тәгрибән 30-35 јашларында олан намәлум киши мејити гәсәбәдәки “көһнә даирә” адланан әразидән тапылыб.
Хәзәр рајону 2-ҹи Полис Бөлмәсинин нөбәтчи һиссәсиндән АНС ПРЕСС-ә верилән мәлумата ҝөрә, мејит саат 10:00 радәләриндә тапылыб вә сакинләрин мәлуматына әсасән полис әмәкдашлары һадисә јеринә ҝедиб. Мејит тибби експертиза үчүн морга ҝөндәрилиб. Онун шәхсијјәти һәлә мүәјјәнләшдирилмәјиб.
Фактла бағлы Республика Прокрорлуғунда арашдырма апарылыр.
Диггәт: Хәбәрдән истифадә етдикдә мәнбәјә истинад лазымдыр
