Дүнјанын бир чох өлкәләриндә Вәтән уғрунда һәлак олан һәрбичиләрин тәнтәнәли шәкилдә дәфн олунма мәрасими һәјата кечирилир. Атәшкәс дөврүндән бу ҝүнә гәдәр ҹәбһә хәттиндә хејли сајда Азәрбајҹан һәрбичиләри шәһид олуб. Амма өлкә сәвијјәсиндә шәһидләрин тәнтәнәли шәкилдә дәфн олунмасы демәк олар ки, һәлә дә рәсми шәкилдә һәјата кечирилмир. Иҹра һакимијјәтинин вә шәһәр һәрби комиссарлығынын бир нечә нүмајәндәси иштирак етмәклә дәфн мәрасимләри гејд олунур. Сонуҹу дәфә өлкәнин јүксәк рүтбәли вә вәзифәли шәхсләрин дәфн мәрасиминдә иштирак етмәси шәһид Мүбариз Ибраһимовун дәфн мәрасиминдә гејдә алыныб.
Фактхебер.сом-а мәсәлә илә бағлы ачыглама верән һәрбичи експерт, еһтијатда олан полковник Үзејир Ҹәфәров, мүдафиә назиринин бу барәдә ҝөстәриши олмасына бахмајараг әмәл олунмадығыны билдирди: “Бу мәсәлә бизим чох јаралы бир мәсәләмиздир. Мән һәмишә демишәм ки, чох тәәсүф ки, Азәрбајҹанда бу саһәдә һәддиндән артыг бошлуг мөвҹуддур. Бошлуг да ондан ибарәтдир ки, Азәрбајҹан мүдафиә назиринин әмри олмасына бахмајараг, өлкәдә бу мәрасимләр һәјата кечирилмир. Чох надир һалларда олур ки, шәһид Мүбаризин дәфни кими мәрасимләр дөвләт сәвијјәсиндә гејд олунур. Гардаш Түркијәјә бахсаг ҝөрәрик ки, бу мәсәләләр елә тәнзимләниб ки, кимлијиндән асылы олмајараг шәһид олан һәр бир кәсин дәфн олунма мәрасими чох јүксәк сәвијјәдә гејд олунур. Һәтта һәмин дәфн мәрасимләриндә өлкәнин ән јүкәск вәзифәли шәхсләри иштирак едирләр. Тәәсүфләр олсун ки, бу просес Азәрбајҹанда чох сојуг шәкилдә һәјата кечирилир. Дүздүр ки, бу барәдә ганун лајиһәси гәбул олунмаса да, мүәјјән норматив сәнәдләр вә низамнамәләр мөвҹуддур. Лакин ҝөрүнүр бу нормативләрә јүксәк формада әмәл олунмур. Биз артыг бу мәсәләни иҹтимаиләшдирмишик. Сонунҹу дәфә ҝенерал Раил Рзајев дүнјасыны дәјишәндә биз бу мәсәләни иҹтимаиләшдирдик вә билдирдик ки, Азәрбајҹанын әрази бүтөвлүјү уғрунда дөјүшләрдә иштирак етмиш вә сон дәрәҹәдә бөјүк хидмәтләри олмуш ҝенералын дәфни ән јүксәк дәрәҹәдә кечирилмәли иди. Дүздүр ки, һәмин дәфн мәрасиминә бөјүк һај-күјдән сонра Мүдафиә Назирлијинин јүксәк һәрби рүтбәли нүмајәндәләри иштирак етдиләр.
Гејд едим ки, бу истигамәдә хејли ишләр ҝөрүлмәлидир. Бәзи гејри-һөкүмәт тәшкилатлары вә милләт вәкилләри Милли Мәҹлисдә белә бир тәклифләр сәсләндирибләр. Истәрдим ки, онлар тәклифләри фикир олараг галмасын. Бәзи һалларда шәһид аиләләри шикајәт едирләр ки, онларын јахынларынын дәфн мәрасиминдә рәсми гурумлар иштирак еләмијибләр. Әҝәр ганунвериҹиликлә бу һал тәнзимләнсә, рәсмиләр ганун тәләбләрини позмамаға мәҹбур олараг белә мәрасимләрдә иштирак едәҹәкләр.
Бу ишләрин һәјата кечирилмәси Мүдафиә Назирлијинин тәрбијәви ишләр үзрә шөбәсинин рәһбәри полковник Вагиф Мәммәдовун үзәринә дүшүр. Вагиф Мәммәдов илләрдир һәмин вәзифәдә олмасына бахмајараг, онун ҝөрдүјү иш әмсалы чох ашағыдыр. Мүдафиә назирир һәмин идарәјә тапшырыг вермәсинә бахмајараг, нәдәндирсә назирин ҝөстәришинә әмәл олунур. Лакин бундан габаг һәмин идарәјә рәһбәрлик едән полковник Талеһ Әлијев, Меһман Сәлимов вә Зијадхан Бәкировун дөврүндә һәмин идарә, назирин вердији ҝөстәришләри јеринә јетирирди. Амма тәәсүфләр олсун ки, инди һәми идарәјә рәһбәрлик едән Вагиф Мәммәдов һеч бир иш ҝөрмүр. Ону дүшүндүрән будур ки, ҝөрәсән мән нә вахт ҝенерал олаҹам. Мүдафиә назири Сәфәр Әбијевин ишләриндә чохлу тәнгид олунасы мәгамлар вар. Лакин бу мәсәләнин һәјата кечирилмәси тәкҹә ондан асылы олан бир шеј дејил. Шәһидләрин тәнтәнәли шәкилдә дәфн олунма мәрасимләринин һәјата кечирилмәмәсинин әсас мәсулијјәти назирлик рәсмиләринин бојнуна дүшүр. Һәмин шәхсләр һәм ганун гаршысында, һәм дә ки, назирлик гаршысында мәсулијјәт дашыјырлар.”
Гејд едәк ки, мәслә илә бағлы Мүдафиә Назирлијинин мәтбуат хидмәти илә әлагә сахладыг. Мөвзу илә бағлы мүнасибәт билдирән Мүдафиә Назирлијијнин мәтбуат хидмәтинин рәис мүавини Тејмур Абдуллајев, шәһидләрин дәфн мәрасимин кифајәт гәдәр тәнтәнәли шәкилдә гејд олунудғуну билдирди: “Биздә дә шәһидләримиз тәнтәнәли сүрәтдә дәфн олунур. Белә ки, шәһид олмуш һәр һансы бир һәрбичи Азәрбајҹан бајрағына бүкүлүр вә дәфн мәрасиминдә иҹра һакимијјәтинин нүмајәндәләри һәрби комиссар вә һәрби һиссәдән ҝәлән адамлар иштирак едирләр. Бундан сонра шәһид олмуш шәхсин аиләсинә лазым олан бүтүн јардымлар ҝөстәрилир. Ҝәләҹәкдә бу мәрасимләрин тәшкил олунмасы илә бағлы һәр һансы форманын һазырланмасындан сөһбәт ҝедәрсә, биз бу барәдә мәлумат верәҹәјик.”
Хәјал Шүкүр
