Әһли Бејт -АБНА- хәбәр аҝентлијинин вердији хәбәрә әсасән: Газахыстанын пајтахтында Мүстәгиллик сарајында Астана вахты илә 9:30-да Ислам Конфрансы Тәшкилаты (ИКТ) Хариҹи Ишләр Назирләри Шурасынын 38-ҹи сессијасы өз ишинә башлајыб. Дүнјанын 57 өлкәсиндән 1000-дән чох гонаг бу тәдбирдә иштирак етмәк үчүн Астанаја ҝәлиб.
Иҹлас чәрчивәсиндә әнәнәви мәсәләләр - сијасәт, Јахын Шәрг вә Африкадакы дәјишикликләр, Әфганыстан, Сомали вә диҝәр реҝионларын мәсәләләри мүзакирә едиләҹәк.
Бундан башга, ИКТ-нин јени ады вә емблеми илә бағлы гәрар гәбул едиләҹәк.
Журналситләр үчүн јајымланан програма әсасән, ИКТ Хариҹи Ишләр Назирләри Шурасынын 38-ҹи сессијасы тәшкилатын Хариҹи Ишләр Назирләри Шурасынын 37-ҹи сессијасынын сәдри - Таҹикистанын хариҹи ишләр назири Х.Зәрифинын чыхышы илә ачылаҹаг. Сонра ИКТ Хариҹи Ишләр Назирләри Шурасынын сәдри вә 38-ҹи сессијасынын бүросу сечиләҹәк.
ИКТ-нин баш катиби Әкмәләддин Иһсаноғлунун чыхышы да олаҹаг. Бундан сонра тәбриклә Газахыстан Президенти Нурсултан Назарбајев чыхыш едәҹәк.
Сессијанын сонракы иши мәтбуат үчүн гапалы шәраитдә кечәҹәк.
ИКТ Хариҹи Ишләр Назирләри Шурасынын 38-ҹи сессијасы ијунун 30-дәк давам едәҹәк.
ИКТ БМТ-дән сонра икинҹи бөјүк тәшкилат вә ислам дүнјасынын марагларыны бејнәлхалг аренада тәмсил етмәк үчүн јеҝанә реҝионал бирликдир. 1,6 милјард нәфәрә јахын әһали илә Асија, Африка, Авропа вә Ҹәнуби Американын 57 өлкәси ИКТ-јә үзвдүр.
Диггәт: Хәбәрдән истифадә етдикдә мәнбәјә истинад лазымдыр
