Әһли Бејт -АБНА- хәбәр аҝентлијинин вердији хәбәрә әсасән: Һиндистанын ән гоҹа мәһбусу - 108 јашлы каһин Бриҹ Биһари Пандеј дүнән азадлыға чыхыб. О, өлкәнин шималындакы Уттар-Прадеш штатынын инзибати мәркәзит Лакһнаудан 300 км аралыда јерләшән Горакһпур шәһәр шәбсханасында 2 ил кечирмишди.
"Реутерс" билдирир ки, Каһинин азад едилмәси һуманитар сәбәбләрлә бағлыдыр: һәбсхана шәраитиндә 108 јашлы гоҹаны сахламаг мүмкүн дејил.
Камера јолдашларынын "Баба" дедикләри Бриҹ 24 ил әввәл төрәтдији ҹинајәтә ҝөрә 2009-ҹу илдә һәбс олунмушду. 1987-ҹи илдә о, әксәријјәти аилә үзвләри олан 15 адамла бирликдә 4 нәфәри гәтлә јетирмишди.
Баба һәбсханаја дүшәндән ики ҝүн сонра вәзијјәти писләшиб. Онун дуруму о гәдәр ағыр иди ки, каһинә һәр ҝүн зүлал инјексијасы олунурду.
Пандеј һәбсханада азад олаҹағы, евини вә ибадәт едәҹәји јери ҝөрәҹәји ҝүнү арзуладығыны дејирди.
Азад олундуғуну ешидәндә Баба ҝүлүмсәјиб. Сон ајлар чарпајыдан галха билмәјән 108 јашлы каһинин ҝөзләри јашарыб. Камера јолдашлары онун бојнуна чичәк чәләнҝи асыблар, Баба исә "Aллаh бөјүкдүр!" дејиб.
Диггәт: Хәбәрдән истифадә етдикдә мәнбәјә истинад лазымдыр
