Әһли Бејт -АБНА- хәбәр аҝентлијинин вердији хәбәрә әсасән: Јени кәшф јүзләрлә хәстәлијин мүалиҹәсини сүрәтләндирәҹәк, индијәдәк сағалмаз сајылан мәрәзләри мүалиҹә етмәјә имкан верәҹәк.
"Сҹиентист" ин билдирир ки, алимләрдән ибарәт арашдырма групу "һәјат коду" адланан ҝенетик структурда дәјишикликләр етмәјә наил олублар. Бу исә индијәдәк өлүмҹүл вә мүалиҹәсиз сајылан јүзләрлә хәстәлијин чарәсинин тапылмасына сәбәб ола биләр. Бундан башга, ҝенетик әсаслы ағыр хәстәликләрин тәхминән 1/3 һиссәсини дә там мүалиҹә етмәк мүмкүн олаҹаг.
Һәмин хәстәликләр арасында ирси хәстәликләрдән ән ағырлары сајылан муковисидоз, һемофилија вә Дүшенн әзәлә дистрофијасыдыр.
Дибонукленин туршусунун "әкиз гардашы" олан мРНТ туршусунун тәркибиндә ҝенетик ардыҹыллығы тәмин едән зүлаллар вар. Мәһз бу зүлаллар да инсан организминин нормал фәалијјәтинин рәһни сајылыр.
АБШ-дакы Рочестер Университетинин алимләр муковисидоз заманы зүлалларын парчаланмасы вә тохумаларда јапышган маддәсинин јаранмасынын гаршысыны алан механизми ашкарлајыблар.
Алимләрин фикринҹә, һәмин принсип мРНТ-ә дә тәтбиг едилә биләр. Бу исә чохсајлы хәстәликләрин организмдә јаранмасы вә инкишаф етмәсинин гаршысыны алыр.
Профессор Ји Дао Јунун дедијинә ҝөрә, һесабатын мараглы јөнләриндән бири дә ДНТ вә РНТ туршуларынын тәркибиндәки "стоп-кодон"ларын ашкарланмасыдыр.
Биокимјачы Роберт Бамбара исә билдириб ки, әлаһиддә ҝенин тәркибиндәки зүлалын ајрылмасы вә ҝүҹлү конденсасија нәтиҹәсиндә хүсуси мүдафиә системинин һазырланмасы сағалмаз хәстәликләри мүалиҹә етмәјә имкан верир.
Диггәт: Хәбәрдән истифадә етдикдә мәнбәјә истинад лазымдыр
