Әһли Бејт -АБНА- хәбәр аҝентлијинин вердији хәбәрә әсасән: Италјада јашајан Сурија әсилли бир мүсәлман бу өлкәнин баш назири Силвио Берлусконидән Ислам вә мүсәлманлара гаршы тәһгиредиҹи ифадәләр ишләтдији үчүн мәһкәмәјә шикајәт едиб
“Һеспресс” сајты бу барәдә јазыр: Италјада јашајан Сурија әсилли Ријаз Хәватәми өз шикајәт әризәсиндә билдириб ки, Берлускони Милан шәһәр сечки компанијасында Ислам вә Мүсәлманлара гаршы тәһгир амиз ифадәләр ишләтдији үчүн ондан Италја мәһкәмәсинә шикајәт едиб.
О өз шикајәтиндә билдириб ки, Берлусконинин тәһгир едиҹи сөзләринин гаршысында сүкут етмәк мүмкин дејил вә Берлускони өз сечиҹиләринин сәсини топламаг үчүн Италја ганунларына зидд аддым атараг Ислам дининә гаршы нифәт вә дүшмәнчилик мөвгеји нүмајиш етдириб. Буна ҝөрә дә мәһкәмә гаршысында ҹаваб вермәлидир.
Хәватәми ејни шикајәт әрзисәди илә Канада вә АБШ мәһкәмәләринә дә мүраҹиәт едиб. АБШ вә Канда ганунларына әсасән дә дүнјанын һәр бир јериндә һәр һансы бир дин шәхс вә ја шәхсләр тәрәфиндән тәһгир олунарса һәмин шәхсләр ҹәзаландырылмалыдыр.
Гејд едәк ки, Берлускони Милан шәһәриндә кечирилән сонунҹу сечкиләрдә солчу Писапиа партијасынын нүмајәндәсинә гаршы кампанијада өз чыхышында демишди ки, " Писапиа партијасы гәләбә газанарса Милан шәһәри ислами бир шәһәрә чевриләҹәк". Берлусконинин бу чыхышы Италја мүсәлманларынын етиразына сәбәб олуб вә бир чох ифратчы гуруплар Италјада Ислам вә мүсәлманлара зидд фәалијјәтләрини артырыблар.
Диггәт: Хәбәрдән истифадә етдикдә мәнбәјә истинад лазымдыр
