Әһли Бејт -АБНА- хәбәр аҝентлијинин вердији хәбәрә әсасән: Ҝөрәсән АБШ-ын Бакыја марағы доғруданмы тәкҹә нефт вә демократија үзәриндәдир? АБШ рәсмиләринин бәјанатларыны изләдикдә бу ики сөздән даһа артыг “Иран” адына раст ҝәлирик.
Пиа бу мөвзуну арашдырыр: Азәрбајҹан Хариҹи Ишләр Назир Елмар Мәммәдјаровун АБШ сәфәри, һәр һалда ЈАП һакимијјәти үчүн үрәкачан нотларла битиб. Бу истәр Елмар Мәммәдјаровун, истәрсә дә Һиллар Клинтонунун ачыгламаларындан да ҝөрүнмәкдәдир. Елә һисс олунур ки, ики өлкә арасында сојуг саваш рүзҝарлары архада галыб.
Бу барәдә ПИА.АЗ-ы мәлуматландыран дипломатик мәнбәнин билдирдијинә ҝөрә, «Азәрбајҹан һакимијјәти илә АБШ арасында мөвҹуд проблемләри ортадан галдырмаг үчүн һәр ики тәрәфин истәји ортаја гојулуб вә гаршылыглыглы анлашма сәјләри нәтисәсиндә мөвҹуд проблемләрин ортадан галдырылмасы һаггында илкин разылашма әлдә едилиб».
Мәнбәнин билдирдијнә ҝөрә рәсми Вашингтон Азәрбајҹан һакимијјјәтиндән бир сыра мәсәләлрин һәллини ҝөзләјир. «Вашингтонда һесаб едирләр ки, Азәрбајҹан Гәрблә интеграсијаны сүрәтләндирмәли вә бир сыра ҹидди ислаһатлара јол ачмалыдыр. АБШ Азәрбајҹанда сабитлијин олмасында һәр шејдән чох мараглыдыр. Лакин онлар ијнә үстүндә отуран сабитлијин дә тәрәфдары дејилләр».
«АБШ Азәрбајҹандан «НАБУҸҸО» лајиһәси илә бағлы сон вә гәти гәрар вермәсини истәјир вә бу мәсәлә әтрафында рәсми Бакынын манипуласија етмәсинә сон вермәсини тәләб едир. Бундан башга Вашингтон рәсми Бакыдан «јухарыдан ингилаб» башлатмасыны истәјир.
Вашингтондан билдирирләр ки, мәһз бу јолла Азәрбајҹанда хаосдан гачмаг мүмкүндүр. Буна ҝөрә дә Ағ Ев рәсмиләри 2013-ҹү илә гәдәр Азәрбајҹанда көклү ислаһатларын һәјата кечирилмәсини тәләб едир. Бу ислаһатлара һакимијјәтин ҝәнҹләшдирилмәси вә вәтәндаш ҹәмијјәтинин гурулмасы јолунда ҹидди аддымларын атылмасы, ејни заманда коррупсијаја гаршы шәфаф мүбаризәнин апарылмасы аиддир. Вашингтон Ејнулла Фәтуллајевин азадлыға бурахылмасыны чох мүсбәт бир һал кими дәјәрләндирир вә бу кими аддымларын давам етмәсиндә мараглыдыр».
Мәнбәнин билдирдијнә ҝөрә бүтүн бунларын мүгабилиндә Вашингтон индики мөвҹуд һакимијјәтин 2018-ҹи илә гәдәр стабил шәраитдә јашамасына тәминат верир.
«АБШ-ла мүнасибәтләр һакимијјәтин бундан сонра атаҹағы аддымлардан чох асылыдыр. Бу аддымлар Гарабағ мүнагишәсинин һәлли јолунда да өнәмли рол ојнајаҹаг. Русија вә Иранла мүнасибәтләдә чох өнәмлидир. АБШ Ираны тәҹрид едә билмәк үчүн Русија илә анлашмаға чалышыр. Буна ҝөрә дә индики шәраитдә АБШ-ын Азәрбајҹана олан марағы чох бөјүкдүр».
Азәрбајҹанын бөјүк шаһмат тахтасы архасында ојуна дәвәт едилдијини билдирән мәнбәнин сөзләринә ҝөрә, АБШ-ла Азәрбајҹан һакимијјәти арасында мүнасибәтләрин јенидән мәҹраја отурдуғу шәраитдә гоншу өлкәләрлә проблемләрдә гачынылмаз олаҹаг.
Она ҝөрә дә рәсми Бакы бу мәсәләдә сијаси ирадә нүмајиш етдирмәк зорундадыр: «Һәр шејдән өнҹә Азәрбајҹан һакимијјәти Вашингтону разы салаҹаг бир сыра аддымлары атмағы дүшүнүр. Амма просесләри там олараг АБШ-ын нәзарәти алтына вермәји дә дүшүнмүр. Она ҝөрә дә бу чох ағрылы проссес олаҹаг вә заман-заман Вашингтонла Бакы арасында ҹидди проблемләрин јашанаҹағы да истисна олунмур. Рәсми Бакы маневр етмәк мәҹбуријјәтиндәдир. Һәр шеј бу маневрләрин нә гәдәр уғурлу ола биләҹәјиндән даһа чох асылыдыр».
Диггәт: Хәбәрдән истифадә етдикдә мәнбәјә истинад лазымдыр
