Әһли Бејт -АБНА- хәбәр аҝентлијинин вердији хәбәрә әсасән: Тунисдә Бен Әли режиминин чөкүшүјлә башлајан вә әрәб дүнјасыны бүрүјән ингилаб күләјинин ән ҝүҹлү әсдији өлкәләрдән бири дә Јәмәндир. 32 илдир өлкәни дәмир јумругла идарә едән Әли Абдулла Салеһин истефасы тәләбијлә кечирилән аксијалара һөкумәт гүввәләринин сәрт мүдахиләси өлкәнин вәтәндаш мүһарибәсинә сүрүкләнмәси тәһлүкәси јарадыб.
Һәфтәнин әввәлләриндә Салеһин ҝүҹлү дајагларындан бири, өлкәнин ән нүфузлу вә бөјүк тајфасы “Һашиди” гәбиләсинин мүхалифәт тәрәфинә кечмәси Јәмәндәки ҝәрҝинлији даһа да артырды. Мајын 25-27 аралығында тајфа үзвләри илә һөкумәт гүввәләри арасында пајтахт Сәнанын мәркәзиндә силаһлы гаршыдурмалар јашанды. Үч ҝүн әрзиндә давам едән гаршыдурмалар нәтиҹәсиндә 100-ә јахын инсан дүнјасыны дәјишиб.
Дүнән ҝүнүн икинҹи јарысында Салеһә бағлы гүввәләрлә тајфа үзвләри арасында атәшкәс һагда разылыг әлдә олундуғу билдирилди. “Һашиди” тајфасынын лидери Садиг Әл Әһмар тәрәфләр арасында атәшкәс éлан едилдијини вә васитәчиләрин данышыглара башладығыны сөјләјиб. Әһмар һөкумәт гүввәләринин јенидән силаһа әл атаҹағы тәгдирдә онларын ҹавабынын вериләҹәјини дә вурғулајыб.
Атәшкәс олунмаздан өнҹә һөкумәт гүввәләри тајфа үзвләринин сығындығы јерләрә һава зәрбәләри ендириб. Өлән вә јаралыланлар барәдә дәгиг мәлумат јохдур.
Франсанын Дөвил шәһәриндә кечирилән Ҝ8 (Бөјүк Сәккизлик) саммитиндә лидерләр Јәмәндә динҹ нүмајишчиләрә гаршы зоракылығы писләјиб вә президент Әли Абдулла Салеһи 33 иллик һакимијјәтдән ҝедәҹәјинә даир вердији сөзү тутмаға чағырыб.
Диггәт: Хәбәрдән истифадә етдикдә мәнбәјә истинад лазымдыр
