Әһли Бејт АБНА хәбәр аҝентлијинин вердији хәбәрә әсасән: Азәрбајҹан Республикасы Халг Ҹәбһәси партијасынын хариҹи сијасәт мәсәләләри үзрә сәдр мүавини Рази Нуруллајев Дағлыг Гарабағ мүһарибәсиндә Иранын Азәрбајҹан Республикасына һәрби дәстәји барәсиндә Әрдәбилин имам ҹүмәсинин ачыгламаларына ишарә едәрәк дејиб: Бу ачыгламалар јетәринҹә һәгигәтләри әкс етдирир.
Бакыдакы јерли мәнбәләрин мәлуматына әсасән, Нуруллајев дејиб: Һәгигәт будур ки, Иранын һәмин заман Азәрбајҹан Республикасына көмәк мәгсәди олуб. Лакин Азәрбајҹанын Ирандан көмәк алмасы вә Гарабағ мәсәләси илә әлагәдар Теһранын көмәкләриндән истифадә етмәси Русија, АБШ вә гәрблә мүбаризә мәнасында әсасландырылды.
Иранын Азәрбајҹан Республикасына һәрби көмәкләри ҝедишиндә сионист режимин вә онун Бакыдакы асылыларынын манечиликләринә тохунан Нуруллајев етираф едиб ки, Исраилин ҹасуслуг хидмәтинин Азәрбајҹаны бу сәбәбә ҝөрә ҹәзаландырмасы мүмкүн иди.
Иранын Әрдәбил останынын имам ҹүмәси Һөҹҹәтүлислам Сејид Һәсән Амили сон вахтлар Азәрбајҹан Республикасы Ислам партијасынын банисинин вәфатынын анылмасы илә әлагәдар кечирилән мәрасимдә илк дәфә олараг Дағлыг Гарабағ мүнагишәсиндә Иранын Азәрбајҹан Республикасына һәрби дәстәкләринин өнәмли ҹәһәтләри вә АБШ, Русија вә сионист режимин бу һәрәкәтдән наразылығыны ифша етди вә Иранын Ермәнистаны дәстәкләмәси иддиасыны рәзиллик сајыб.
Әрдәбил имам ҹүмәси чыхышынын бир һиссәсиндә Шушанын ишғал олунмасынын гаршысынын алынмасы истигамәтиндә силаһ-сурсат ҝөндәрилмәси, Шуша вә диҝәр рајонларын ишғалы заманы бәзи азәрбајҹанлы рәсмиләрин хәјанәти, ермәни сепаратчыларын ирәлиләмәсинин гаршысыны алмаг үчүн Азәрбајҹан Республикасында иранлы ҝенераллар тәрәфиндән һәрби мәркәзин тәсис олунмасы вә Гарабағда өн ҹәбһәдә әфган мүҹаһидләрин тәшкилатландырылмасына тохунараг дејиб: Биз ермәниләрә дејил, азәрбајҹанлы гардашларымыза силаһ-сурсат верирдик. Бизим һәрби тәлим мәркәзимиз Ермәнистанда дејил, Азәрбајҹанда мөвҹуд олуб. Азәрбајҹанда минләрлә ҹанлы шаһид вар ки, мәним ачыгламаларымы тәсдигләјә биләрләр. Онлар һәлә јашајырлар вә әҝәр азаҹыг инсафлары олса, сөзләрими тәсдигләјәҹәкләр.
Әрдәбил останы имам ҹүмәсинин Дағлыг Гарабағ мүһарибәсиндә Теһранын Бакыја һәрби дәстәји барәсиндә ифшачылығы Иранофобист даирәләрин наразылығына сәбәб олуб. Белә ки, бу Иранофобист даирәләр узун илләрдир ки, АБШ вә сионист режимин малијјә вә сијаси дәстәји илә вә јаланчылыгла Иранын Ермәнистаны дәстәкләмәсини иддиа едирләр.
Азәрбајҹан Республикасында бир чох шәхсијјәтләр вә фикир саһибләри, о ҹүмләдән Азәрбајҹан Республикасы парламентинин сәдри олмуш вә 1992-ҹи илдә президентин сәлаһијјәтләрини иҹра етмиш Јагуб Мәммәдов вә Азәрбајҹан Республикасынын хүсуси тәјинатлы полис дәстәсинин сабиг рәиси Рөвшән Ҹавадовун гардашы Маһир Ҹавадов бу мәсәләнин доғрулуғуну гејд едибләр
Диггәт: Хәбәрдән истифадә етдикдә мәнбәјә истинад лазымдыр
