Әһли Бејт -АБНА- хәбәр аҝентлијинин вердији хәбәрә әсасән: "Синһуа" билдирир ки, "Талибан" һәрәкатынын лидери Молла Өмәрин Пакистанда кечирилмиш хүсуси әмәлијјат нәтиҹәсиндә мәһв олунмасы хәбәри артыг тәсдигләнмәјә башлајыр. Пакистанын дөвләт тәһлүкәсизлик структурларындакы мәнбә Молла Өмәрин өлдүрүлдүјүнү билдириб.
Әфганыстандакы өзәл ТОЛО телеканалынын јајдығы хәбәрдә билдирилирди ки, Молла Өмәр Пакистанын Шимали Вәзиристан вилајәтиндә, Кветта шәһәринә ҝедәркән өлдүрүлүб.
"Талибан" һәрәкатынын нүмајәндәләри исә "Кјодо"ја вердикләри ачыгламада Молла Өмәрин өлдүрүлмәси хәбәринин јалан олдуғуну билдирибләр.
Молла Өмәр кими танынан Сәид Мәһәммәд Ахундзадә 1962-ҹи илдә Әфганыстанын Урузган вилајәтиндәки Гәндәһар шәһәринин јахынлығында, Синҝесар кәндиндә доғулуб. Миллијјәтҹә пәштун олан Сәид Ахундзадә "Талибан" ("Тәләбәләр") һәрәкатынын баниси, 1996-2001-ҹи илләрдә Әфганыстанын Али Шурасына рәһбәрлик етмиш шәхсдир. АБШ ону "Әл Гаида"нын мәһв едилмиш лидери Үсама бин Ладиндән сонра ән тәһлүкәли террорчу һесаб едир.
Дөрд дәфә ағыр јараланыб, ҝөзләринин бирини итириб. Онун сол ҝөзүнүн Пакистанын Пишәвәр шәһәриндәки һоспиталда ҹәрраһијјә әмәлијјаты нәтиҹәсиндә чыхарылдығы билдирилир.
Диггәт: Хәбәрдән истифадә етдикдә мәнбәјә истинад лазымдыр
