Әһли Бејт -АБНА- хәбәр аҝентлијинин вердији хәбәрә әсасән: Әрәбистанын баш мүфтиси сон ҹүмә намазы чыхышында тәкфир инанҹындан ҝери чәкилиб.
“Сһиа-онлине”-нын вердији хәбәрә ҝөрә, Әрәбистанын пајтахты әр-Ријадда ҹүмә намазы гылан вәһһабиләрин баш мүфтиси Шејх Әбдүләзиз Али-Шејх хүтбәләринин бириндә дејиб: “Бир мүсәлманы тәкфир етмәк (кафир һесаб етмәк) шүбһәсиз јанлыш бир аддымдыр вә мүхтәлиф мүнагишләрә сабәб олур.”
О, дејиб: “Биз һәр бир иши дәлил вә мәнтиг әсасында иҹра етмәлијик. Һәтта башгаларыны тәкфир етмәк үчүн гәти дәлилимиз олмалыдыр. Әкс тәгдирдә мөминләри Исламдан хариҹ, кафир һесаб етмәјимиз дүзҝүн дејил.”
Әбдүләзиз Али-Шејх гејд едиб: “БИр мөмин мүсәлманы тәкфир етмәк үчүн ҝүнәш кими ајдын дәлилимиз олмалы, онун кафир олмасына әмин олмалыјыг. Әкс тәгдирдә шәк-тәрдид әсассыздыр. Биз өз хүлјаларымыза әсасән кимисә кафир адландырмамалыјыг.”
Көһнә вә ән бөјүк тәкфирчиләрдән бири сајылан Әрбистанын баш мүфтиси дејиб: “Тәкфирчиләр тәмкинли дејилләр. Јалныз бәзи шәхсләрин кичик сәһвләринә ҝөрә онлары кафир һесаб едир, ганларыны ахтымаларыны мүбаһ вә һалал һесаб едирләр. Тәкфирчиләр диҝәр мүсәланлар әлејһинә силаһ галдырырлар. Бунун өзү бир бүтпәрәстликдир.”
Әбдүләзиз Али-Шејх әлавә едиб: “Тәкфирчиләр Аллаһ јолунда гылынҹ сијирмәјибләр, ҹиһадлары бу мәгсәдә әсасән дејил. Онлар шәхси вә мадди манафеләринә ҝөрә бу аддымы атырлар. Тәкфирчиләр јарандыглары ҝүндән индијәдәк Ислам вә мүсәлманлар үчүн гара ләкә олублар. Онлар Ислам дини үчүн бөјүк тәһлүкә һесаб олунур.”
Диггәт: Хәбәрдән истифадә етдикдә мәнбәјә истинад лазымдыр
