Әһли Бејт -АБНА- хәбәр аҝентлијинин вердији хәбәрә әсасән: АБШ-да Миссисипи чајынын дашма тәһлүкәси јараныб. Дашгынын гаршысыны алмаг үчүн Америка һәрбчиләри Миссисипи чајынын шлүзләрини ачмаға башлајыблар.
Артыг Луизиана штатында јерләшән Морганза бәнди ачылыб. АБШ ордусунун мүһәндис корпусунун нүмајәндәләри бәндин нәзарәт алтында сахландығыны вә орадан сујун тәдриҹән бошалдылаҹағыны билдирирләр.
Ири шәһәрләрдә дашгынын гаршысыны алмаг мәгсәдилә ҝөрүлән тәдбир бир нечә һәфтәлијә 8000 квадрат километр әразини су алтында гојса да, Јени Орлеан, Батон-Руҹ кими ири шәһәрләрдә дашгын олмајаҹаг. Реҝион рәһбәрлији артыг 25 минә јахын адам үчүн мүвәггәти сығынаҹаг да һазырлајыб. Бураја Морганза бәндинин ачылмасы илә әлагәдар өз евини тәрк едән сакинләр јерләшдирилир.
Гејд едәк ки, АБШ-ын мәркәзи һиссәсиндә сон 70 илин ән ҝүҹлү дашгыны лејсан јағышларын вә гар әримәсинин нәтиҹәсидир. Су сәвијјәсинин артдығы Миссисипи чајынын бәндләри исә ахырынҹы дәфә 1973-ҹү илдә ачылыб.
Диггәт: Хәбәрдән истифадә етдикдә мәнбәјә истинад лазымдыр
