Әһли Бејт -АБНА- хәбәр аҝентлијинин вердији хәбәрә әсасән: Апрелин 28-дә Мүсават партијасынын гәрарҝаһында Иҹтимаи Палатанын Координасија Шурасынын топлантысы кечирилиб. Координасија Шурасынын үзвү Әдаләт Јусубов “медиафорум”а ачыгламасында дејиб ки, Мүсават башганы Иса Гәмбәрин сәдрлијилә кечирилән иҹласда 14 үзвдән 11-и иштирак едиб. АМЫП сәдри Јусиф Бағырзадә, “Азадлыг” гәзетинин баш редактору Гәнимәт Заһид, Агил Сәмәдбәјли вә Меһрибан Вәзир топлантыја гатылмајыблар.
Координасија Шурасынын иҹласында Иҹтимаи Палатанын бу ҝүн Мүсават партијасынын гәрарҝаһында кечириләҹәк сессијасына һазырлыг мәсәләләринә бахылыб. Гәрара алыныб ки, сессијада үч мәсәлә - Иҹтимаи Палатаја үзвләрин гәбулу, иҹтимаи-сијаси вәзијјәт вә күтләви аксијалара һазырлыг мүзакирә олунсун. Һәмчинин 50-дән артыг шәхсин Ыҹтимаи Палатаја үзв гәбул едилмәси мәсәләсинә бахылаҹаг.
Әдаләт Јусубовун сөзләринә ҝөрә, дүнәндән Иҹтимаи Палатанын Координасија Шурасынын иҹласларына сәдрлик Дини Етигад вә Виҹдан Азадлыглары Мәркәзинин рәһбәри Һаҹы Илгар Ибраһимоғлуна кечиб: “29 апрел сессијасына Һаҹы Илгар Ибраһимоғлу сәдрлик етмәлидир. Лакин Илгар бәј деди ки, сессијада мүһүм сијаси гәрарлар гәбул олунаҹағындан топлантыја сијасәтчиләрдән бири рәһбәрлик етмәси мәсләһәтдир. Јәгин ки, сессијаја сијасәтчиләрдән бири рәһбәрлик едәҹәк”.
Иҹтимаи Палатанын 2 апрел митингинә ҝөрә ачылан ҹинајәт иши үзрә шаһид гисминдә диндирилмәк үчүн Бакы Шәһәр Баш Полис Идарәсинә чағырылан Мүсават Партијасынын башганы Иса Гәмбәр сессијада иштирак едә билмәјәҹәк.
Диггәт: Хәбәрдән истифадә етдикдә мәнбәјә истинад лазымдыр
