Бисмиллаһир-рәһманир-рәһим
Бир дүнја тәәссүфлә Азәрбајҹан шиәләринин рәһбәри, дөврүнүн Әбузәри, мүҹаһид вә мүбариз инсан Һаҹы Әликрам Әлијевин вәфат хәбәрини алдыг. Аллаһ она рәһмәт етсин. О фөвгәладә бир инсан иди вә өмрүнүн бөјүк бир һиссәсини коммунист зинданларында, ишҝәнҹәләр алтында кечирмиш, сағламлығыны итирмишди. Амма јахын кечмишдә Гумда ҝөрүшдүјүмүз вахт руһијјәсиндә һәмин ишҝәнҹәләрин тәсири билинмирди, бир шир кими саваш әзминдә иди.
Һаҹы Әликрам бүтүн Азәрбајҹан ҝәнҹләри үчүн бир нүмунәдир. О, ҝәнҹ нәслә ҹиһад, мүбаризә, мүгавимәт, барышмазлыг дәрси верди.
Она иманына, дини бағлылығына, ислами мүгавимәтинә, Әһли-бејт мәктәбини мүдафиәсинә ҝөрә һәбсхана һәјаты јашадырдылар. Амма бәрәкәтли өмрүнүн сонунадәк тутдуғу мүгәддәс јолдан дөнмәди.
Үмид едирәм ки, Азәрбајҹанын диндар халгы, хүсусилә ҝәнҹ нәсли онун мүбаризә јолуну давам етдирәҹәк, мәрһумун динин мүдафиәсиндәки мүбаризлијини јаддан чыхармајаҹаг.
Азәрбајҹан дөвләти дә билмәлидир ки, бу өлкәдә Әһли-Бејт мәктәбинин јетирмәләри чохдур. Белә ки өлкәдә Ислама гаршы фәалијјәтләрә, мәсҹидләрин дағыдылмасына, Әһли-Бејт маарифини тәблиғ едән китабларын нәшринә манечилијә сон гојулмалыдыр. Мисир вә Ливија рәһбәрләринин аҹынаҹаглы талејиндән ибрәт ҝөтүрмәк лазымдыр. Унутмасынлар ки, Ислама гаршы тәһрик едән гүввәләр ағыр ҝүндә арха дајанмыр, һимајә ҝөстәрмирләр. Дөвләтә арха олаҹаг әсил гүввә Азәрбајҹан халгыдыр. Халга јахынлығы, инсанларын истәкләринин һәјата кечирилмәсини, онларын һимајәсини ағыл һөкм едир.
Сөзүмүн сонунда бу мәмләкәтин бүтүн мүсәлман вә шиә халгына, дин алимләринә, хүсусилә мәрһумун аиләсинә башсағлығы верир, Аллаһдан сәбир вә әҹр диләјирәм. Руһу шад, јолу раһат олсун!
Диггәт: Хәбәрдән истифадә етдикдә мәнбәјә истинад лазымдыр
