Әһли Бејт -АБНА- хәбәр аҝентлијинин вердији хәбәрә әсасән: Франсанын пајтахты Парисдә кечирилән фөвгәладә топлантыдан сонра БМТ-нин учуша гадаған бөлҝә гәрарынын һәјата кечирилмәси истигамәтиндә һәрби әмәлијјатлара башланыб.
Гәззафи рәһбәрлијинә гаршы һавадан вә дәниздән башладылан бејнәлхалг һәрби әмәлијјата Ливија мүхалифҹиләри Шафаг Јолҹулуғу адыны верибләр.
Дүнән ахшам илк олараг Франсаја мәхсус гырыҹы тәјјарәләр, ардындан исә Инҝилис тәјјарәләри Ливијанын һәрби техникасыны бомбардман едибләр.
Америка вә Инҝилтәрәјә мәхсус һәрби ҝәмиләрдән исә 20 һәдәфә 112 Томаһаwк ракети атылыб.
АБШ мүдафиә назирлијинин ачыгламасында, һүҹумларда Траблусун әтрафындакы һава мүдафиә системләринин вурулдуғу билдирилиб.
Президент Барак Обама сәфәрә ҝетдији Бразилјада вердији ачыгламада, һәрби мүдахиләнин сон алтәрнатив олдуғуну вә Америка һәрбчиләринин Ливијанын әразиләринә дахил олмаг кими планларынын олмадығыны вурғулајыб.
АБШ дөвләт катиби Һилларј Ҹлинтон исә Гәззафи рәһбәрлијинин гануни һөкмүнүн галмадығыны дејиб.
Диҝәр тәрәфдән АБШ, Инҝилтәрә, Франса, Канада вә Италјанын башлатдығы әмәлијјата гыса заманда Әрәб өлкәләринин дә гатылмасы ҝөзләнилир.
Ливија дөвләт телевизија каналы, һүҹумларда 48 нәфәрин һәјатыны итирдијини, 150 нәфәрин исә јараландығыны, Траблусдакы динҹ һәдәфләр илә Мисрата шәһәринин јахынлығындакы јанаҹаг анбарларынын вурулдуғуну билдириб.
Гәддафи телевизија каналына вердији бәјјанатда, әмәлијјатын Хаҹлы һүҹум олдуғуну, өлкәни мүдафиә үчүн силаһ анбарларыны халгын истифадәсинә ачтыгларыны дејиб.
Русија илә Чин әмәлијјатдан нараһат олдугларыны, өлү сајысынын арта биләҹәјиндән тәшвиш дуујдугларыны ачыглајыб.
Диггәт: Хәбәрдән истифадә етдикдә мәнбәјә истинад лазымдыр
