Әһли Бејт -АБНА- хәбәр аҝентлијинин вердији хәбәрә әсасән: Бундан әлавә бәһрејнли ҝәнҹләр бу ҝүн сүбһ тездән етибарән, евләрә вә мәсҹидләрә ҝедәрәк халгы бу зүлмә гаршы чыхмаға дәвәт едиб. Бәјрејн режими исә бу ҝүндән өлкәдә бүтүн телефон вә интернет әлагәсини кәсиб. Өлкәјә ҝәлән Сәудијјә Әрәбистаны ордусу һавадан вә јердән әмәлијјатлар тәшкил едәрәк халгы гәтлиам едир.
Бәһрејн хәстәханасындан "әл-Аләм" телеканалына верилән мәлумата ҝөрә, хәстәханаја ҝәтирлән бүтүн јаралыларын вәзијјәти ағырдыр. Онлар одлу силаһларла вурулуб.
Гејд едәк ки, Сәудијјә Әрәбистанында вәһһаби мүфтиләр, Бәһрејндәки нүмајишчиләрин өлдүрүлмәси барәдә фәтва вериб.
Бәһрејн Ирандакы сәфирини ҝери чағырыб
Бәһрејн дөвләти Ирандакы фөвгәладә вә сәлаһијјәтли сәфирини ҝери чағырыб. Бәһрејн һөкумәти буну Иранын онун дахили ишләринә гарышмасы илә әлагәләндириб. Нәзәринизә чатдыраг ки, Иран Бәһрејнин, еләҹә дә Сәудијјә Әрәбистанынын Теһрандакы сәфирини Хариҹи ишләр Назирлијинә чағырараг, бу өлкәдә баш верәнләрә вә Сәудијјә Әрәбистанынын Бәһрејнә гошун јеритмәсинә рәсми етираз билдириб.
Диггәт: Хәбәрдән истифадә етдикдә мәнбәјә истинад лазымдыр
