Әһли Бејт -АБНА- хәбәр аҝентлијинин вердији хәбәрә әсасән: Вәтәндаш Һәмрәјлији партијасынын Ҝәнҹләр Тәшкилаты ( ВҺП) АХҸП Ҝәнҹләр Тәшкилатынын үзвү, Сумгајыт Дөвләт Университетинин 4-ҹү курс тәләбәси Ҹаббар Саваланлынын һәбси илә бағлы бәјанатла чыхыш едиб. Партијадан билдирилән ВҺП ҝәнҹләринин бәјанатында дејилир:
“Ҹаббар Саваланлыны Сумгајыт Шәһәр Полис Идарәси наркотик иттиһамы илә сахлајыб. Бу иттиһамы бөһтан адландырыр вә Ҹаббар Саваланлынын һәбсини сијаси сифариш һесаб едирик.
Сон илләрин тәҹрүбәси ҝөстәрир ки, һакимијјәт сијаси бахымдан фәал олан вә мүхалиф мөвге нүмајиш етдирән инсанлара гаршы репрессија сијасәти јүрүдүр вә һәмин инсанлары ҹәмијјәтдән тәҹрид етмәк үчүн мүхтәлиф јоллара әл атыр. Бу јоллардан бири дә иҹтимаи фәаллыг ҝөстәрән шәхсләрин ҹибиндән “наркотик” тапылмасыдыр. Ҹаббар Саваланлынын “сатыш мәгсәди олмадан наркотик маддә ҝәздирмәси” дә белә иттиһамдыр. Мәгсәд инсан һагларыны боғмаг, сијаси фәаллыг ҝөстәрән инсанларын сәсини кәсмәк, онлары мүхтәлиф васитәләрлә ҹәмијјәтдән узаглашдырмагдыр”.
Ҹаббар Саваланлы февралын 6-да Сумгајытда һәбс олунуб. Онун үзәриндән 0,7 грам тирјәк (хаш-хаш биткисиндән һазырланан наркотик маддә) тапылдығы билдирилир. Ҝәнҹә Ҹинајәт Мәҹәлләсинин 234.1 (Сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) маддәси илә иш галдырылыб."
Диггәт: Хәбәрдән истифадә етдикдә мәбәјә истинад лазымдыр
