Бу адамын фотосуна баханда бир лент өтүшдү ҝөзләрим гаршысындан – Нахчывандан гајытмыш Һејдәр Әлијевин һәлә Бакыда мөһкәмләнмәдији дөвр… Мәтбуат конфрансы… Микрафона бу фотодакы адам јахынлашыр. Һејдәр Әлијеви вурмаг ҝүндәмдәдир вә бу “ушаг” да өзүнү ҝөстәрмәк фикринә дүшүб. Һејдәр Әлијев онун сөзүнү јарыда кәсиб ики кәлмә илә корлајыр вә бу тип бир мүддәт ҝөздән итир. Кимдир о?
Онун һаггында сорушурам. Дејиләр ки, ҹәнуб бөлҝәсиндә кәнд аптекинин мүдири олуб. Сонра соҹиал-демократлара гошулуб. Вә хошбәхт бир ҝүндә бу типи Азәрбајҹан ҹәмијјәтинә Сијаси Инновасија вә Технолоҝија Мәркәзинин сәдри Мүбариз Әһмәдоғлу кими тәгдим едирләр. Ону ади кәнд ушагларындан үзлү олмасы фәргләндирир. Бәли, аптек мүдири мәһз үзү һесабына бу ҝүн Азәрбајҹан Республикасында баш верән һадисәләрә мөһүр вурур. Ҝөр бу дөвләт, ЈАП нә ҝүнә галыб, кимлији үзәринә ведрә гојуб отурмуш аптек мүдиринә сөјкәниб!
Мән онун Һиҹаб Гадағасы илә бағлы јазысыны 525-дә охудум. Тәпәдән-дырнаға СОРОС-а көкләнмиш бу јазыдан ҹәми бир ҹүмләси үзәриндә дајынырам.
Улу өндәрин корладығы Кимјаҝәр бир өмүр һарамдан гајтардығы јазыда дејир:
“Парадоксал олса да, бизим динимиз намусун тәмин олунмасынын ән идеал формасы һесаб етдијимиз “бир гадын бир кишининдир” формулуну гәбул етмир.”
Намус үчүн ән идеал форма? Ај јазыг сән елә билирсән намус тәкҹә гадына мүнасибәтдә олур. Намуслу инсан дејәндә бирүзлү инсан баша дүшүлүр, сәнин кими бир вахт Һејдәр Әлијевә һүҹум едиб, бағырсағы гурујанда мәддаһлыға кечән јох. Ејби јох, сән намус дејәндә тәкҹә гадына мүнасибәти нәзәрдә тутурсанса бир нечә статистиканы динлә:
-Бразилијада фаһишә гадынларын сајы Бразилија ордусунун сајындан чохдур.
-Фаһишәлик етмәјә мәҹбур едилән гадынларын сајы илдә 700 мин илә 4 милјон арасында дәјишир.
-Дүнјада гадын тиҹарәтиндән илдә әлдә едилән газанҹын 12 милјард доллар олдуғу тәхмин едилир.
-
Oxygen Media Insights Group тәрәфиндән едилән вә eMarketer
арашдырма ширкәтинин интернет сајтында иштирак едән һесабатдан јығдығы мәлуматлара ҝөрә, АБШдакы гадынларын јүздә 30-ундан чоху, ҝеҹәләри белә 'онлине' олмадан дајана билмир.Кағыз үзәриндә “Бир кишијә бир гадын”ы намус сајан оғлан! Ахы сән истедадлы кимјаҝәрсән. Белә ки бир аптек мүдириндән дөвләт әјарлы политолог дүзәлтмисән. Бир дәрман да дүзәлт, вер Дубаја дашынан Вәтән гызларына, гој шәһвәтләри өлсүн. Елә өз нәфсини дә дәрманласан пис олмаз. Јохса инанмадығын ҹәһәннәмлә гол-бојун оланда һазыркы кимлијинә ләнәт охујаҹагсан!
Самир Таҹ
М. Әһмәдоғлу һаггында башга јазылар:
http://www.bizimyol.az/index.php?mod=news&act=view&nid=18214
