Әһли Бејт -АБНА- хәбәр аҝентлијинин вердији хәбәрә әсасән: Русија Федерасијасында фәалијјәт Ҝөстәрән Шиәләрин Ислам Илаһијјат Мәркәзи рәсми бир бәјәнатда Азәрбајҹан Республикасында Ислам дининә гаршы баш верән һадисәләри кәскин шәкилдә писләјиб.
Русија Федерасијасында фәалијјәт Ҝөстәрән Шиәләрин Ислам Илаһијјат Мәркәзинин сәдри һүҹҹәтүл-ислам вәл-мүслимин Һаҹы Фамил Ҹәфәровун јајдығы бәјанатда вурғуланыр : "Сон һадисәләр ајдын шәкилдә чох аҹы һәгигәтләри үзә чыхартды. ССРИ дағыландан сонра онун төр- төкүнтүләри әсасында боја-баша чатанлар бир даһа нә гәдәр ләјагәтсиз олдуғуну ачыг-ашкар Ҝөстәрди. Бунлар әввәл-ахыр өз ич үзүнү ачмалыјды." "Һагг әзиләр үзүлмәз" аталар сөзүнү хатырлајан
Ислам Илаһијјат Мәркәзи бәјанатында әлавә едиб : " Бу 20 ил әрзиндә мәлум оланы бу олуб ки, әсл һәгигәтдә Азәрбајҹанда һакимијјәт сүрәнләр онун потенсиал гүввәси олан халгына гәним кәсилиб онун милли-мәнәви дәјәрләрини мәһв етмәјә хидмәт Ҝөстәрирләр. Бунлар ојунҹаг дөвләтләрә характер олан хүсусијјәтләрә әсасән Ҝаһ милли зәминдә ајры-сечкилик сијасәти апарараг милли дүшмән овуна чыхыр вә һәр-һансы халгын нүмајәндәләрини ҹидди тәзјиг вә ишҝәнҹәјә мәруз гојурлар. Буна бариз мисал олараг өмрүнү Азәрбајҹан дилчилик елминин инкишафына сәрф етмиш мәрһум Новрузәли Мәммәдовун һеч бир әсас олмадан МТН зинданында шәһид олмасыны мисал ҝөстәрмәк олар. Ҝаһ да халгын әсрләр боју етигад бәсләдији мүгәддәс инанҹларыны тапдаламаға сәј ҝөстәрирләр. Шиәләрин Ислам Илаһијјат мәркәзи мүсәлман Азәрбајҹан халгынын мәнафејинә ујғун олараг өзүнә вәзифә биләрәк Азәрбајҹанда апарылан исламофобија сијасәтини гәти шәкилдә писләјир вә һеч бир әсас олмадан халгын севимлисинә чеврилән вә һәјатларыны јалныз вә јалныз Азәрбајҹан халгынын милли-мәнәви дәјәрләринин дирчәлишинә сәрф едән Һаҹы Мөвсүм Сәмәдовун, Һаҹы Зүлфүгар Микајылзадәнин вә башга шәхсләрин һәбсини чох сәһв аддым сајыб буну Азәрбајҹан халгына гаршы јөнәлән хәјанәт сајыр вә тезликлә онларын азадлыға бурахылмасыны вә онлардан үзр истәнилмәсини тәләб едир."
Диггәт: Хәбәрдән истифадә етдикдә мәнбәјә истинад лазымдыр
