Әһли Бејт -АБНА- хәбәр аҝентлијинин вердији хәбәрә әсасән: “Медиа форум” Азәрбајҹан Ислам Партијасынын сәдри Мөвсүм Сәмәдовун Бакыдакы евиндә јанварын 13-дә апарылан ахтарышдан фотошәкилләри тәгдим едир. Ахтарышы Республика Прокурорлуғунун әмәкдашлары апарыб.
Мөвсүм Сәмәдов јанварын 7-дә полис вә МТН мәмурлары тәрәфиндән ганунсуз сахландығы ан бу өзбашналыглара һүгуги ҹаваб истәдикдә, мәмурларын тәләбләринә табе олмамаг иттиһамы илә Нәриманов рајон Мәһкәмәсинин гәрары илә 13 суткалыг инзибати һәбсә мәһкум олунуб . (ДИН) Баш Мүтәшәккил Ҹинајәткарлыгла Мүбаризә Идарәсинин мүвәггәти сахланма тәҹридханасында сахланылыр.
ЕВДӘ АХТАРЫШ АПАРАН МҮСТӘНТИГ “ГУРАН”а ӘЛ БАСАРАГ АНД ИЧИБ
Азәрбајҹан Ислам Партијасынын сәдри Мөвсүм Сәмәдовун мәктәбли гызы Зәһра Сәмәдова Республика Прокурорлуғунун Истинтаг Идарәсинин хүсусилә мүһүм ишләр үзрә бөјүк мүстәнтиги Вүгар Нәсибову “Гуран”а анд ичдириб.
“Медиа форум” сајтынын әмәкдашы хәбәр верир ки, һүгуг мүһафизә органлары әмәкдашлары јанварын 13-ү саат 15 радәләриндә Мөвсүм Сәмәдовун евиндә ахтарыш апармаға башлајан заман партија сәдринин гызы мүстәнтиг Вүгар Нәсибова јахынлашараг ондан евдә објектив вә дүзҝүн ахтарыш апармағы хаһиш едиб. Бундан сонра Зәһра Сәмәдова мүстәнтигдән хаһиш едиб ки, “Гуран” а әл басыб анд ичсин. Мүстәнтиг китаба әл басараг објектив вә дүзҝүн ахтарыш апараҹағына анд ичиб.
Партија сәдринин евиндә ахтарыш апарылан ан, аиләнин јахын гоһумлары, еләҹә дә партија үзвләри шаһид кими ичәри дахил олмаг истәсәләр дә, һүгуг мүһафизә органы ишчиләри онлары бурахмајыблар.
Диггәт: Хәбәрдән истифадә етдикдә мәнбәјә истинад лазымдыр
