Әһли Бејт -АБНА- хәбәр аҝентлијинин вердији хәбәрә әсасән: Буну АзадлыгРадиосунун «Ишдән сонра» програмында һүгуг мүдафиәчиси Лејла Јунус дејиб. Онун фикринҹә, бу һәбс дә ејни ссенари илә һәјата кечирилди. Л.Јунусова дејир ки, сијаси мотивләрлә кими тутурларса, буна башга дон ҝејиндирирләр:
«АЗӘРБАЈҸАНДА ПРОФЕССИОНАЛ ЈОХДУР»
«Ејни ссенари, ејни әнәнә. Ганун чәрчивәсиндә адамы 48 саат сахлајырлар вә јахшы олар ки, 24 саат әрзиндә она иттиһам верилсин. Иттиһам нә демәкдир? Јәни, сүбутлар. Һансы ки, мәһкәмә бу сүбутлары гәбул едир. Дејир ки, дүздүр, сизин сүбутларыныз вар, сиз сүбут едирсиниз ки, бу адам ҹинајәти төрәдиб, ҝүнаһландырма ола биләр. Мәһкәмә гәрар чыхарыр ки, ону газамата ҝөндәрин, истинтагы башлајын. Бу, ганундур. Азәрбајҹанда профессионал јохдур. Азәрбајҹанда 48 саата онлар һеч кимә ганун чәрчивәсиндә иттиһам јаза билмирләр. Вә артыг алты илдир ки, сијаси мотивләрлә кими тутурлар, дејирләр полисә мүгавимәт, инзибати 10-15 сутка һәбс...Бу вахт әрзиндә тутдуглары адама гаршы физики-психоложи тәзјиг, аилә үзвләринә тәзјиг едирләр ки, јаландан-паландан нәсә дүзәлтсинләр ки, бурда бөјүк бир ҹинајәт вар».
Лејла Јунус дејир ки, фикирләрини бөлүшмәк һәр бир кәсин һаггыдыр. Амма Сәмәдовун һәбси илә демәк истәјирләр ки, һеч бир мүстәгил фикрә јер јохдур:
«Сәмәдов өз фикрини деди. Сәрбәст шәкилдә, кәскин. Анҹаг бу онун һаггыдыр. Сөз азадлығыдыр, фикир азадлығыдыр. Вахтилә өз фикрини деди Аднан, Емин. Нә олур? Онлары газамата салырлар. Мән дә өз бәјанатымда јаздым ки, Сәмәдовун тутулмасы сөз вә фикир азадлығына гаршыдыр. Чүнки Азәрбајҹан игтидарынын әсас мәгсәди бүтүн өлкәни, бүтүн ҹәмијјәти нәзарәт алтында сахламагдыр. Һеч бир мүстәгил фикир олмасын. Совет өлкәсиндәки кими гәбиристанлыг олсун».
Һүгуг мүдафиәчиси вәтәндашлары бир олмамагда вә мәсәләләрә лагејд јанашмагда ҝүнаһландырыб:
«АЗӘРБАЈҸАН ВӘТӘНДАШЛАРЫНДА БИРЛИК ЈОХДУР»
«Мәсәлә ондадыр ки, Азәрбајҹан вәтәндашларында бирлик јохдур. Өз һүгугларыны мүдафиә етмирләр. О вахткы мүсаватчы вә ја ҹәбһәчи тутулур, Ислам Партијасы сусур. О вахткы Ислам Партијасынын нүмајәндәләри тутулур, Гәрбјөнүмлү сијасәтчыләр, ҝәнҹләр сусурлар».
Лејла Јунусун фикринҹә, бунунла игтидар ҹәмијјәти горху алтында сахламаға чалышыр:
«Ислам Партијасы чох кәскин чыхыш
