Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Демократ Партијасынын (АДП) сәдри Сәрдар Ҹәлалоғлу: "Мән Азәрбајҹан һүгуг-мүһафизә органларынын иш тәҹрүбәсиндән билирәм ки, онлар истәсәләр адамын ҹибиндән лап танк да чыхарарлар"
2011-ҹи илин илк ики һәфтәси һәбсләрлә јадда галды. Өлкәнин ән нүфузлү дин хадимләри ардыҹыл олараг һәбс олунду. Иҹтимаи-сијаси һәјатда кифајәт гәдәр танынмыш зијалы, диндар вә иҹтимаи тәшкилат вә партија лидерләри ардыҹыл олараг һәбс олунмаға башладылар. Азәрбајҹан Ислам Партијасынын (АИП) сәдри Мөвсүм Сәмәдовун өлкә һакимијјәтини тәнгид едән чыхышы бүтүн просесләри сүрәтләндирди. АИП сәдри Мөвсүм Сәмәдов вә араларында 10-а јахын танынмыш руһани олмагла 50-ә јахын инанҹлы шәхс полис тәрәфиндән сахланылыб. Өлкәдә диндарлара гаршы апарылан репресија илә бағлы Азәрбајҹан Демократ Партијасынын (АДП) сәдри Сәрдар Ҹәлалоғлудан мүнасибәт өјрәндик. АДП сәдри дә өлкәдә диндар кәсимә гаршы олан тәзјигләри писләди вә бу һадисәләрин вахтикән јерли мүхалифәтә гаршы да апарылдығыны билдирди. "Демократик гүввәләрин өлкәдә сыхышдырылмасы она ҝәтириб чыхарыб ки, әһалинин наразы тәбәгәси даһа чох диндарларын әтрафында бирләшиб. Ачыг-ашкар биз дә мүшаһидә едирик ки, дини гурумлар вә тәшкилатлар кифајәт гәдәр активләшәрәк реал ҝүҹә чеврилиб. Тәбии ки, бу һадисәләрин фонунда һакимијјәт дини кәсимлә үз-үзә галмагдан чәкинир. Вә әввәлләр демократик мүхалифәтә атылан аддымлар бу ҝүн дини мүхалифәтә гаршы атылыр. Бу сәбәбдәндир ки, өлкәдә диндарлара гаршы репресијалар апарылыр вә мүхтәлиф тәдбирләр ҝөрүлүр. Мән Азәрбајҹан һүгуг-мүһафизә органларынын иш тәҹрүбәсиндән билирәм ки, онлар истәсәләр адамын ҹибиндән лап танк да чыхарарлар. Бу үздән Дахили Ишләр Назирлијинин АИП сәдри Мөвсүм Сәмәдовла бағлы вердији ачыглама вә ашкар олунан силаһларын партија сәдринә мәхсус олмасы зиддијәтлидир. Һәр-Һалда бу истигамәтдә Мөвсүм Сәмәдовун вәкилинин вә мүдафиә комитәсинин мәтбуата ашкар олунанларла бағлы рәсми мәлумат вермәсини дә мәгсәдә ујғун һесаб едирәм. Чүнки һүгугшүнаслар апарылан истинтаг заманы баш верән ганунсузлуглары ашкар едир вә иҹтимаијјәти бу барәдә мәлуматландырыр"-дејә АДП сәдри ФактХебер.ҹом-а мүнасибәтиндә билдириб.
Азәрбајҹан Демократ Партијасынын (АДП) сәдри Сәрдар Ҹәлалоғлудан һәмчинин әлавә едиб ки: "Биз билирик ки, узун илләрдир Азәрбајҹанда сијаси партија мәнсубларыны ҹибиндән тапанҹа вә наркотик тапмагла һәбс едирләр вә бу артыг ади һала чеврилиб. Әввәләр мүхалифәтә гаршы истифадә олунан методлар, һазырда диндарлара гаршы тәтбиг олунур".
Диггәт: Хәбәрдән истифадә етдикдә мәнбәјә истинад лазымдыр.
