Әһли Бејт -АБНА- хәбәр аҝентлијинин вердији хәбәрә әсасән: Гафгаз Мүсәлманлары Идарәси (ГМИ) Азәрбајжан Ислам Партијасынын (АИП) сәдри Мөвсүм Сәмәдовун һәбси илә бағлы бәјанат јајыб. Бәјанатда Мөвсүм Сәмәдов мәсулијјәтсиз чағарышлар етмәкдә иттиһам олунур. Вә билдирилир ки, бу етиразлар диндарларын етиразына сәбәб олуб. "Мөвсүм Сәмәдовун мәсулијјәтсиз чағырышлары халгымыза вә дөвләтчилијимизә гаршы јөнәлмиш тәхрибатдыр вә бунун мәгсәди милли бирлијимизи сарсытмаг, сабитлијимизә хәләл ҝәтирмәк, жәмијјәт дахилиндә гаршыдурма јаратмагдыр",-дејә бәјанатда вурғуланыр.
Әслиндә ГМИ-нин бу бәјанаты бир даһа тәсдиг едир ки, Мөвсүм Сәмәдовун һәбси онун Илһам Әлијевлә бағлы етдији сәрт чыхышла бағлыдыр. Һүгуг-мүһафизә органлары АИП сәдринин полисә мүгавимәт ады илә һәбс едиб, иғтишаш төрәтмәк ады илә МТҺ-нин тәжридханасына салсалар да, Мөвсум Сәмәдовун Илһам Әлијеви сәрт тәнгид етмәјин гурбаны олдуғу ајдын иди. ГМИ-дә бәјанаты да мәһз Мөвсум Сәмәдовун мәлум чыхышы үзәриндә фокуслашыб. Бунунла да ГМИ рәһбәри биләрәкдән, ја да билмәјәрәкдән һакимјјәти ифша едиб.
Диггәт: Хәбәрдән истифадә етдикдә мәнбәјә истинад лазымдыр.
