Әһли Бејт -АБНА- хәбәр аҝентлијинин вердији хәбәрә әсасән: Түркијә Мүдафиә Сәнајеси Катиблији билдириб ки, Азәрбајҹан вә Түркијә бирликдә дөјүш сурсатларынын истеһсалыны һәјата кечирәҹәк.
Артыг бунунла бағлы бир нечә Түркијә ширкәти вә Азәрбајҹан Мүдафиә Сәнајеси Назирлијинин аналожи заводу арасында мүвафиг мүгавиләләр имзаланыб, Азәрбајҹана техники јардымлар ҝөстәрилиб. Мүгавиләләр чәрчивәсиндә мүасир технолоҝијаларын тәтбиги илә атыҹы силаһлар, авиасија вә артиллерија силаһлары үчүн мүхтәлиф дөјүш сурсатларынын, реактив атәш системләри үчүн ракетләрин истеһсалы һәјата кечириләҹәк.
Ҝәлән илдән башлајараг Азәрбајҹан мүәссисәләриндә истеһсал олунаҹаг ири чаплы дөјүш сурсатларынын һәм Азәрбајҹан вә Түркијә силаһлы гүввәләринин тәҹһизаты, һәм дә хариҹи базарлара чыхарылмасы нәзәрдә тутулур.
Катибликдән о да билдирилиб ки, 2010-ҹу илдә мүштәрәк истеһсала даир Түркијә вә Азәрбајҹан арасында 5 мүгавилә имзаланыб. Бу мүгавиләләрдән икиси сырф дөјүш сурсатларынын истеһсалына аиддир.
Диггәт: Хәбәрдән истифадә етдикдә мәнбәјә истинад лазымдыр
