Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын Бинәгәди рајонун Хоҹасән гәсәбәсиндә јашајан диндарлары етмәдикләри ҹинајәтә мүттәһим олунараг азадлыгдан мәһрум едилдиләр.
Мәлумата әсасән Хоҹасәнли үч динҹ диндар Һаҹы Һаҹыгулу Һәшимов, Һаҹы Азәр Сәрҹанов вә Мәшәди Јусиф Әликрам оғлу декабрын 25-дә Бинәгәди Рајон Полис Идарәсинин 40-ҹы Полис Бөлмәсинин әмәкдашлары тәрәфиндән сахланылыблар.Диндарларын милли вә мәнәви һүгуглары тапдалынараг онлара әсассыз иттиһам атылыб. Ирәли сүрүлмүш иттиһамда даһа доғрусу БӨҺТАНДА диндарларын ҝүја Бинәгәди рајону Хоҹасән гәсәбәсиндәки 103 сајлы орта мәктәбә һүҹум етмәләри ҝөстәрилиб.
Бу барәдә сахланылан шәхсләрдән Һаҹыгулу Һәшимовун оғлу Рәшад Һәшимов мәлумат вериб.
Бинәгәди Рајон Мәһкәмәсинин гәрары илә онлардан Јусиф Әликрамоғлу вә Һаҹыгулу Һәшимов 10, Азәр Сәрҹанов исә 11 ҝүн азадлыгдан мәһрум едилибләр. Диҝәр 20 нәфәрин талеји барәдә һәләлик мәлумат јохдур.
Диггәт: Хәбәрдән истифадә етдикдә мәнбәјә истинад лазымдыр
