Лакин јерли мәтбуатын јаздығына ҝөрә, милли, етник вә дини зәминдә тоггушмалар тәкҹә әввәлҹәдән елан олунан әразиләрдә баш вермир. Дүнән Русија Дөвләт Бәдән Тәрбијәси Университетинин әслән Дағыстандан олан үч тәләбәси 25 јашлы мүһәндис Дмитри Зимини дөјүбләр. Тәләбәләрдән бири онун үзүнә травматик силаһдан атәш ачыб. Рус мүһәндисә һүҹум едәнләрин ҝүләш үзрә Русија јығмасынын үзвләри олдуғу мүәјјәнләшиб.
Милли зәминдә тоггушмалар артыг мәктәбләрә дә кечиб. Дүнән 13 сајлы мәктәбдә әслән гафгазлы олан бир шаҝирд бычагланыб. 9-ҹу синиф шаҝирди Тамерлан Саралијев чохсајлы бычаг јаралары илә Мәркәзи Шәһәр Хәстәханасына ҝәтирилиб. Һадисәнин тәфәррүатлары арашдырылыр. Милли зәминдә тоггушмаларын гурбанлары арасында Өзбәкистан, Гырғызыстан вә Вјетнам вәтәндашлары да вар.
Диггәт: Хәбәрдән истифадә етдикдә мәнбәјә истинад лазымдыр.
