Әһли Бејт -АБНА- хәбәр аҝентлијинин вердији хәбәрә әсасән: АБШ вә Ишғалчы Исраил сионистләринин планыны һәјата кечирән, Ихванул Мүслимин азадлыг һәрәкатына зәрбәләр ендирән, пулсуз муздурлуг едән Мисир Иранын Фарс көрфәзи өлкәләринин дахили ишләринә мүдахилә етмәмәли олдуғуну бәјан едиб!
Гәтәрин “Әл-Шәрг” гәзети Мисирин хариҹи ишләр назири Әһмәд Әбул-Ҝејтә истинадән билдириб ки, Иран Ливан вә Ирагын сијаси мүбаһисәләринә гарышмамалыдыр.
Мисир президенти Һүснү Мүбарәки Доһа сәфәри заманы мүшајиәт едән назир Ираны бејнәлхалг иҹтимаијјәтлә нүвә програмына даир мүбаһисәләрин дипломатик јолла һәллинә чағырыб.
Хатырладаг ки, Гаһирә илә Теһран арасындакы әлагәләрдә 1980-ҹи ил Иран ислам Ингилабындан сонра сојуглуг јараныб. Бу сојуглуғун сәбәби исә Иранда Ислам Ингилабынын баш вермәси олуб.
Иран Ислам Республикасынын дүнја мәзлумларына баҹардыгҹа етдији сијаси јардымлар бу өлкәләрин аздлыға чыхмасы наминә олмуш вә даим зәрәр чәкән милләтләр тәрәфиндән алгышларла гаршыланмышдыр. Лакин Мисир кими динин сатмыш сатгын өлкәләр исә белә һуманист аддымлара әнҝәл олурлар. Әслиндә Мисир ХИН башчысы Әһмәд Әбул-Ҝејт “Иран Ливан вә Ирагын сијаси мүбаһисәләринә гарышмамалыдыр” ифадәсиндән демәк истәјир ки, әкс тәгдирдә АБШ, Исраил вә онларын сијаси вә игтисади мүттәфигләринин, ады чәкилән ислами дөвләтләрин там ишғал етмәкдән өтрү ҹыздыглары планлары һәјата кечә билмәз.
Диггәт: Хәбәрдән истифадә етдикдә мәнбәјә истинад лазымдыр
