Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Еколоҝија вә Тәбии Сәрвәтләр Назирлијинин (ЕТСН) мәтбуат хидмәтиндән билдирилибки, нојабрын 19-да чајда кәскин чиркләнмә мүшаһидә едилиб.
Тапгарагојунлу кәнд сакинләри тәрәфиндән онларын јеҝанә су мәнбәји олан Инҹичај чајында ҝүндүз саат 14-15 радәләриндән башлајараг чај сујунун гаты көпүклә ахдығы мүшаһидә олунуб вә бу барәдә ЕТСН-ин 13 сајлы Әрази Еколоҝија вә Тәбии Сәрвәтләр Шөбәсинә (Ҝоранбој, Нафталан, Самух, Дашкәсән, Ҝөјҝөл) мәлумат верилиб.
Еколожи вәзијјәтин гијмәтләндирилмәси үчүн назирлијин мүтәхәссисләриндән ибарәт оператив груп јарадылын вә груп тәрәфиндән гыса мүддәт әрзиндә һәмин су објектиндә бирбаша мобил ҹиһазлар васитәсилә өлчмә ишләри ҝөрүлүб. Ҝөтүрүлмүш су нүмунәләриндә зәрәрли кимјәви маддәләр үзрә назирлијин мәркәзи аналитик лабораторијасында анализләр апарылыб вә нәтиҹәдә чај сујунун кејфијјәтинин ҹидди дәрәҹәдә писләшмәси гејдә алыныб. Тәһлилләр ҝөстәрир ки, һидрокарбонатлы су групундан олан Инҹичај чајынын сујунда һидроҝен ҝөстәриҹиси кәскин енәрәк гәләви мүһитдән турш мүһитә кечмиш, сујун оксиҝен режими хејли позулуб. Зәрәрли чиркләндириҹиләрдән олан сәтһи актив синтетик үзви маддәләрин (детерҝентләрин), азот бирләшмәләринин, әсасән дә аммониум вә метал бирләшмәләринин мигдары нормадан дәфәләрлә чох олуб.
Һазырда су нүмунәләри үзәриндә кимјәви анализ вә арашдырмалар давам етдирилир.
Диггәт: Хәбәрдән истифадә етдикдә мәнбәјә истинад лазымдыр
